12-Dec-2019 | २६ मंसिर २०७६, बिहीबार

चिनियाँ राष्ट्रपति सी चीनफिङ भ्रमणको तयारी तिब्र, जहाजको रेकी

१५ आश्विन २०७६, बुधबार ०   बिचार / प्रतिक्रिया


काठमाडौं । चिनियाँ राष्ट्रपति सी चीनफिङको भ्रमणको तयारी तिब्र बनाइएको छ । बुधबार उनी आउने जहाज त्रिभुवन विमानस्थलमा अवतरण गरी यहाँको रेकी गरेको छ ।

उनी दशैं लगत्तै नेपाल आउने कार्यक्रम छ र यद्दपी सुरक्षा संवेदनशिलताका कारण नेपालमा मिति भने गोप्य राखिएको छ ।

चिनियाँ राष्ट्रपति आउने जहाजले विमानस्थलमा ओर्लिएर यहाको सुरक्षा अवस्थितिको जाँच गरेको बताइएको छ ।

टोलीले विमानस्थलमा समेत सुरक्षा प्रवन्धका सबन्धमा जानकारी लिएको छ । बुधबार अपरान्ह पौने २ बजे चिनियाँ जहाज परीक्षण उडानका लागि त्रिभुवन अन्तर्राष्ट्रिय विमानस्थलमा अवतरण गरेको थियो ।

राष्ट्रपति चीनको राष्ट्रिय ध्वजाबाहक एयर चाइनाको बोइङ जहाज चढेर काठमाडौं आउने पक्का भएको छ ।

परीक्षण उडानका दौरान व्यवासयिक उडान केहीबेर रोकिएको थियो । परीक्षण उडान एक प्रकारको भ्रमणकै शैलीको तयारी हो ।

जुन राष्ट्रपति सवार भएका बेला गरिन्छ । त्यसो त राष्ट्रपतिको भ्रमणलाई लिएर राजधानीका सडक चिल्ला हुन थालेका छन् ।

धुलो बडार्ने काम तिब्र भएको छ । अस्तव्यस्त तारहरु पुनः बाँधेर राख्ने काम शुरु भएको छ । शहर किनारमा फूल रोप्ने काम समेत थालिएको छ ।

Loading...

फेसबुकबाट तपाईको प्रतिक्रिया

सम्बन्धित समाचार