न्यूयोर्क   

बिगत ४ महिनादेखि हङ्कङमा चलिरहेको लोकतन्त्र समर्थनको आन्दोलनका कारण ब्यापार ब्यवसायमा क्षति पुगेका ब्यबसायीहरुलाई हङ्कङका एक धनाढ्यले अरबौ हङ्कङ  डलर सहयोग गर्ने भएका छन् । हङ्कङकै सबैभन्दा धनी ९१ बर्षीया लिका सिङले ति आन्दोलन पिडित ब्यवसायीहरुलाई १ अर्ब हङ्कङ डलर (१२ करोड ८० लाख अमेरिकी डलर ) सहयोग गर्ने भएका हुन् ।

गत शुक्रबार लिका सिङको परोपकारी संस्था लिका सिङ फाउन्डेसनद्वारा जारी एक बिज्ञप्तीमा भनिएको छ “त्यो  कठीन समयमा भएको क्षतिको लागि मेरो सानो सहयोगले साना तथा मझ्यौला ब्यवसायहरुलाई अगाडि बढ्न मद्दत पुग्ने छ । हङ्कङमा संचालित साना तथा मझौला ब्यवसायलाई आन्दोलनका कारण पुगेको क्षतिको परिपुर्तिको लागि लि का -सिङले गर्न लागेको सहयोग गत हप्ता हङ्कङ सरकारले घोषणा गरेको २ अरब हङ्कङ डलर सहयोगमा अतिरिक्त सहयोग हो ।

आर्थिक मन्दीबाट देशलाई रोक्नका लागि हङ्कङ  सरकारले अरबौं डलर क्षति पुर्तीका लागि लगानी गर्ने भएको छ भने लि का -सिङले थप १ अर्ब हङ्कङ डलर सहयोग गर्ने भएका हुन्  । का – सिङ हङ्कङस्थित रियल ईस्टेट ईन्डस्ट्रीका चर्चित व्यापारी हुन ।  

श्रोत : सि एन एन