जापानको राजधानी टोकियो र आसपासको क्षेत्रमा आज शुक्रबार शक्तिशाली आँधी “टाईफुन हागिबिस” आउने चेतावनी जापानी मौसम बिभागले गरेको छ ।
अनुमानित आँधी यो सिजनमा आएको १९औं आँधी हो । यो टाईफुन शक्तिशाली हुने र बिध्वंस मच्चाउने चेतावनी दिएकोले सर्वसाधारनमा छाएको छ । प्रतिघण्टा २०० किमी प्रतिघण्टाको गतिमा जापानको मुख्य भुभाग तर्फ अघि बढिरहेको टाईफुन हागिबिसले बुधबार साँझ ओगासावारा द्वीपमा असर पारेको थियो ।
यतिबेला टोकियोमा तिब्र गतिमा हावाहुरी र मुसलधारे वर्षा भईरहेको छ । समुन्द्र आसपासका क्षेत्रमा बढी असर हुने भएको र ठुला पानीको छालको खतरा बढेकोले सम्भावित क्षेत्रका वासिन्दालाई सुरक्षित स्थानमा राखिएको छ ।
जापानको मध्य भागमा समेत शनिबार बिहानबाट सोमबार साँझसम्म असर पार्ने जनाईएको छ ।
