आजभोली अमेरिकाको राजनीति स्पष्ट रुपमा  ध्रुविकरण हुँदै गएको छ । यतिबेला राष्ट्रपति ट्रम्प पक्षधर र ट्रम्प बिरोधी दुई  धारमा देश कै राजनीति ध्रुविकृत हुँदै गएको अभाष हुन्छ । पछिल्ला समय राजनीतिक अतिबादी राजनीतिको प्रभाब कै कारण बिभिन्न प्रकारका हिंसात्मक घटना समेत बृद्धि हुन थालेका छन् । गत बिहिवार डेमोक्र्याटिक पार्टीको स्पष्ट समर्थन रहेको मिनेसोटा राज्यको मिनियापोलिस शहरमा राष्ट्रपति ट्रम्पले आयोजना गरेको एक चुनाबी सभामा हिँसात्मक घटना घटेको छ । बिहिवार मिनियापोलिसस्थित राष्ट्रपति ट्रम्पको प्रचारसभा राखिएको टार्गेट सेन्टर बाहिर दिउँसोदेखि नै बिभिन्न आप्रबासी महिला र युद्ध बिरोधी समुहहरु हस्तलिखित प्ले कार्ड बोकेर ट्रम्प बिरोधि नारा लगाउँदै बिरोधमा बसी रहेका थिए ।

ट्रम्प पक्षधरहरु सभा क्षेत्रमा प्रबेश गर्दै गर्दा शुरु भएको बिरोध रात पर्दै जाँदा बढ्दै गएको थियो । राष्ट्रपति ट्रम्पले चुनाब प्रचारमा प्रयोग गर्दै आएको “मेक अमेरिका ग्रेट एगेन” लेखिएको रातो क्याप सडकमा थुप्रो बनाएर भिडले आगो लगाएको  थियो । ठुलो संख्यामा रहेको ट्रम्प बिरोधिहरुको भिडमा उत्तेजना बढदै जाँदा प्रहरीलाई “पिग ( सुङुर )” भन्दै पिसाब समेत फ्याकिएको थियो । भिड नियन्त्रण गर्न प्रहरीले अश्रु ग्यासको समेत प्रयोग गरेको थियो । प्रहरीले सम्भाबित भिडन्तलाई मध्य नजर गर्दै सडकमा प्रहरीको लाईन बनाएर पक्ष र बिपक्ष बिच भिडन्त हुन नदिएको बिभिन्न समाचार एजेन्सीहरुले जनाएका छन् ।

राष्ट्रपति ट्रम्पको निसानामा पर्दै आएकी मिनियासोटाकी प्रतिनिधि ईलान अोमार कै गृह राज्यमा  उनी प्रति नै गालीको बर्षा गर्दै सोमिली जनताको ठुलो हिस्सा भएको राज्यमा सोमालियाबाट आएर शरणार्थीको रुपमा बसोबास गर्दै आएका सोमालीहरु राष्ट्रपति ट्रम्पको निसानामा परेका थिए । ट्रम्पले गत बिहिवार उनको सभामा घटेको हिँसात्मक घटनाको समाचार आफ्नो फेसबुक र ट्विटर पेजमा शेयर समेत गरेका छन् ।                                               

बिपक्षी दल डेमोक्र्याटिकको बाहुल्यता रहेको तल्लो सदन (हाऊस अफ रिप्रिजेन्टेटिभ) ले युक्रेनका राष्ट्रपतिसँगको टेलिफोन बार्ताको बिषयलाई लिएर महाअभियोग लगाउने प्रकृया चलाए पछि राष्ट्रपति ट्रम्प हरेक बक्तब्य र सामाजिक संजालमा थप आक्रमक देखिन थालेका छन् । 

श्रोत : युएसए टुडे न्युज