काठमाडौं । विश्वकप छनोट अन्तर्गत एसियाली महादेशका दोस्रो चरणका खेल भइरहेका छन् । समूह बीमा रहेका जोर्डन र नेपालबीच मंगलबार प्रतिस्पर्धा हुँदैछ ।

नेपालभन्दा निकै बलियो टोली जोर्डनविरुद्ध नेपाल उसकै घरेलु मैदानमा प्रतिस्पर्धामा उत्रिदैछ । नेपाल सन् २०११ मा मिलेको नमिठो हारको बदला लिने दाउमा हुनेछ ।

उक्त खेलमा जोर्डले नेपालको पोष्टमा ९ गोल हानेको थियो । यस छनोट प्रतिस्पर्धामा नेपालले तीन खेल खेलिसकेको छ ।

जसमध्ये २ हार र एक जीत मिलेको छ । नेपाल अष्ट्रलिया र कुवेतसँग पराजित भयो भने चाइनिज ताइपेलाई हराउन सफल भयो ।

अवे खेलमा जीत निकाल्न सके नेपाललाई आगामी होम गेम निकै सहज हुने थियो । किनकी नेपालले घर भित्र खेल्ने सबै खेल खेल्न बाँकि छ ।

दोस्रो चरणमा एक अर्को टोलीविरुद्ध होम एण्ड अवे मोडलमा प्रतिस्पर्धा हुँदा कूल ८ खेल हुनेछन् ।खेल नेपाली समय अनुसार राती पौने १० बजे हुनेछ ।