काठमाडौं । सत्तारुढ नेपाल कम्युनिष्ट पार्टी (नेकपा)को सचिवालय बैठक बुधबार बस्दैछ।

प्रधानमन्त्री केपि शर्मा ओलीले मन्त्रीपरिषद्का केही सदस्यको कार्यशैलीप्रति असहमति जनाउँदै मन्त्रीपरिषद् फेरबदल गर्ने प्रस्ताव अध्यक्ष प्रचण्डसँग राखिसकेका छन् ।

मन्त्रीहरु अदलबदल तथा पार्टी एकताको अन्तिम टुंगो लगाउने सम्बन्धमा बुधबार छलफल हुने नेकपा स्रोतले जानकारी दिएको छ ।

करीव आधा दर्जन मन्त्रीहरुको कार्यशैलीप्रति प्रधानमन्त्री संतुष्ट छैनन् । त्यसमध्ये मातृका यादव, लालबाबु पण्डित, रघुविर महासेठ, बीना मगरलगायत रहेको बताइएको छ ।

यद्दपी कुन मन्त्रीको बारे के निर्णय गर्ने भन्नेबारे टुंगो भने सचिवालय बैठकबाटै हुने भएको छ । बैठक प्रधानमन्त्रीको सरकारी निवास बालुवाटारमा डाकिएको छ ।

मंगलबार समेत बैठक बेको थियो । तर, कुनै निर्णय भने लिन सकेन । बैठकमा चिनियाँ राष्ट्रपति सी जिन पिङको नेपाल भ्रमणबारे पनि समिक्षा छलफल हुने तयारी छ ।