गैरआवासीय नेपाली संघ (एनआरएनए) को विश्व सम्मेलनमा नयाँ नेतृत्व चयनका लागि आज बुधबार हुने भनिएको मतदान भोलि विहान १० बजेसम्मका लागि स्थगित भएको छ ।
मतदाताहरुले लामो समय प्रतिक्षा गरिसकेपछि यस्तो निर्णय आउँदा ठुलो होहल्ला मच्चिएको थियो । गुटबन्दी र मिलेमतोको भद्दा वातावरण देखिएको पर्यवेक्षकको दाबी छ ।
मतदानको लागि तयार पारिएको मेसिनमा समस्या देखिएपछि मतदान बिहीबार विहानसम्मका लागि स्थगित गरिएको हो।
यस निर्वाचनमा एनआरएनएको अध्यक्षमा संघका वर्तमान उपाध्यक्षद्वय कुल आचार्य र कुमार पन्तले अलग–अलग टिम बनाएर उम्मेदवारी दिएका छन् । दुबै पक्ष बीच कडा प्रतिस्पर्धा हुने अनुमान गरिएको छ ।
