काठमाडौं । सूचना तथा संचार प्रविधिमन्त्री तथा सरकारका प्रवक्ता गोकुल बास्कोटाले अनुकूलता मिले अमेरिकी राष्ट्रपति डोनाल्ड ट्रम्प तथा रुसी राष्ट्रपति भ्लादिमिर पुटीनसमेत नेपाल भ्रमणमा आउन सक्ने बताएका छन् ।

बिहीबार मन्त्रालयमा आयोजित मन्त्रीपरिषद् बैठकका निर्णय सार्वजनिक गर्न आयोजित बैठकमा मन्त्री बाँस्कोटाले चिनियाँ राष्ट्रपतिको भ्रमणपछि नेपालको अन्तर्राष्ट्रिय पहिचान बिस्तार भएको भन्दै ट्रम्प र पुटीनको समेत नेपाल भ्रमण हुन सक्ने बताएका हुन् ।

‘हामी प्रयास गर्छौं, उहारुहरुको अनुकूलता मिल्यो भने त्यो पनि सम्भव छ’, उनले भने ।

चिनियाँ राष्ट्रपति सी चिनफिङ्गको भ्रमण हरेक रुपमा सफल सरकारको विश्लेषण रहेको समेत उनले सुनाए ।

नेपाल आकार, जनसंख्या र आर्थिक रुपमा तुलना हुन नसक्ने गरी कमजोर भएपनि चिनियाँ राष्ट्रपति सीले उच्च महत्व दिएको उनले भनाई छ ।

नेपालले पनि उच्च आदर र सम्मान दिएर आफ्नो पहिचान कायम राखेको उनको थियो । उक्त अवसरमा मन्त्री बास्कोटाले मन्त्रीपरिषद् बैठकका ११ निर्णय समेत सार्वजनिक गरे ।