13-Nov-2019 | २७ कार्तिक २०७६, बुधबार

यस्तो आयो एनआरएनएमा नयाँ नेतृत्व

१ कार्तिक २०७६, शुक्रबार ०   बिचार / प्रतिक्रिया


काठमाडौं । गैरआवासीय नेपाली संघ (एनआरएनए) को ९ औं विश्व सम्मेलनले आगामी २ वर्षे कार्यकालका लागि नयाँ नेतृत्व चयन गरेको छ ।

कुमार पन्तको नेतृत्वमा नयाँ कार्यसमिति निर्वाचित भएको हो । मंगलबार बाट राजधानीमा शुरु सम्मेलनका दौरान बिहीबार मात्र मतदान भएको थियो ।

विवादका बीच एक दिन लम्बिएको सम्मेलनमा शुक्रबार नयाँ कार्यसमितिको नतिजा सार्वजनिक गरिएको हो ।

शुक्रबार विहान सम्पन्न मतपरिणाम अनुसार अध्यक्षमा कुमार पन्तले प्रत्यासी कूल आचार्यलाई १४७ मत अन्तरले हराए । पन्तले एक हजार २१७ मत ल्याउँदा आचार्यको भागमा एक हजार ७० मत प्राप्त भयो ।

महिलासहित ५ उपाध्यक्षमा पन्त र आचार्य प्यानलको मिश्रित परिणाम आएको छ । खुलामा पन्त समूहका बद्री केसी (११६३), अर्जुनकुमार श्रेष्ठ (१०२७), सोनाम लामा (८९८०) र आचार्य समूहका मन केसी (९६१०) विजयी भएको निर्वाचन समितिले जानकारी दिएको छ ।

महिला उपाध्यक्षमा आचार्य समूहकी रविना थापाले १२२१ मत पाएर विजयी भइन् । उनले सपिला राजभण्डारीलाई हराएकी हुन।

राजभण्डारीले ८६३ मत पाइन् । २ सचिवमा गौरीराज जोशी (९१६) र आर के शर्मा (८६८) मतसहित विजयी भए । कोषाध्यक्षमा महेश कुमार श्रेष्ठ (१६५३) मत पाएर विजयी भए । सहकोषाध्यक्षमा लोकप्रसाद दाहालको ११८४ मत आयो । उनीसमेत विजयी भए ।

महिला संयोजकमा भोमादेवी लिम्बु (७०२), युवा संयोजकमा हिमाल गुरुङ (७६८) मत पाएरविजयी भए । मध्यपूर्व र अफ्रिकाका सबै क्षेत्रमा सबै उमेदवार निर्बिरोध निर्वाचित भएका छन् ।

मध्यपूर्व क्षेत्रको संयोजकमा प्रवीन गुरुङ, दुई उपसंयोजकमा मनोजकुमार श्रेष्ठ र राजेन्द्र अर्याल निर्बिरोध निर्वाचित भएका छन् ।

महिला संयोजकमा सुमित्रा देवी पौडेल र युवा संयोजकमा राजु रेग्मी निर्बिरोध निर्वाचित भए ।

अफ्रिका क्षेत्रको संयोजकमा रोशन थापा र महिला संयोजकमा मनकला थापा निर्विरोध निर्वाचित भएको निर्वाचन समितिले जानकारी दिएको छ ।

एसिया प्रशान्त क्षेत्रको संयोजकमा गोविन्द श्रेष्ठ २१७ मतसहित विजयी भए । उनले दई उमेदवारलाई हराएका हुन् । दुई उपक्षेत्रीय संयोजकमा खगेन्द्र न्यौपाने (१९८) र पारसमणि पोखरेल (१९५) मतसहित विजयी भएका छन् ।

महिला संयोजकमा अमृता थापा र युवा संयोजकमा दीपकप्रसाद कंडेल निर्बिरोध निर्वाचित भएको समितिले उल्लेख गरेको छ ।

अमेरिका क्षेत्रको संयोजकमा राजन त्रिपाठी (१५४) विजयी भए । उपसंयोजकमा राम सी पोखरेल (१५०) विजयी भएको समितिले जानकारी दिएको छ । महिला संयोजकमा उमा कार्की थापा (१४४) विजयी भइन् ।

युवा संयोजकमा विमला सापकोटा निर्बिरोध निर्वाचन भएको समितिको भनाई छ । ओेसेनियाको संयोजकमा होमनाथ पाण्डे १०५ मतसहित विजयी भए ।

प्रतिस्पर्धी दिनेशराज जोशीलाई मात्र ३ मतले हराउँदै उनी विजयी भएका हुन् । उपसंयोजकमा नवीन कंडेल (१०७) विजयी भए ।

महिला संयोजकमा जानकी पौडेल र युवा संयोजकमा राजकुमार थपलिया निर्बिरोध निर्वाचित भए । युरोप क्षेत्रको संयोजकमा नारायणप्रसाद आचार्य (२७४) विजयी भए ।

यस पटकको निर्वाचन विवादरहित भने हुन सकेन । रजनीतिबाट पर राख्ने घोषणा गरेका एनआरएन नेतृत्व अन्त्यमा दलको टिका लगाएर विजयी भए । सोहीकारण सम्मलेन बढी विवादित बन्न पुग्यो । यसअघि एनआरएनएको अध्यक्ष भवन भट्ट थिए ।

फेसबुकबाट तपाईको प्रतिक्रिया

सम्बन्धित समाचार