समाचार

न्युयोर्कमा तल्लो तलाको छिमेकीले माथिल्लो तल्लामा बस्ने दम्म्पत्तीलाई गोली हानी हत्या

न्युयोर्कको हार्लममा गोली चल्दा ३ जनाको मृत्‍यु भएको छ । हार्लमको लेनोक्स र फिप्थ एभेन्यू बीच १३१ स्ट्रिटस्थित ५ तल्ले घरको तल्लो तलामा बस्ने छिमेकीले माथिल्लो तलामा बस्नेलाई गोली प्रहार गरेको प्रहरीले बताएको छ । ७८ वर्षीय रिटायर्ड बिल्डिङ सुपरटेन्डेण्ट र ६२ वर्षीय उनको पत्नीलाई तल्लो तलामा बसोबास गर्दै आएका ५९ वर्षीय एक छिमेकीले गोली प्रहार गरी हत्या गरेका हुन् ।

बृद्धबृद्धा दम्पत्तीलाई गोली प्रहार गर्ने ती ब्यक्तीलाई उक्त भवनको तल्लो तलामा आफूले आँफैलाई टाउकोमा गोली प्रहार गरी लडिरहेको अवस्थामा भेटेका थिए ।

घटना शुक्रबार अपरान्ह ३ बज्नु अगाडि घटेको थियो । गोली प्रहारको कारण उक्त भवनमा आगलागी समेत भएको थियो । १०० जना भन्दा धेरै अग्नी नियन्त्रक र दमकलको प्रयासमा आगो नियन्त्रणमा लिईएको थियो ।  

श्रोत : ए बि सि ७, न्युयोर्क