विश्व

अफगानिस्तानमा बम विस्फोट, ६२ को मृत्यु

अफगानिस्तान । अफगानिस्तानमा बम विस्फोटमा परी ६२ जनाको मृत्यु भएको छ । अन्तरराष्ट्रिय संचारमाध्यमहरुका अनुसार अफगानिस्तानको पूर्वी नानगरहरस्थित एक मस्जिदमा शक्तिशाली बम विस्फोट भएको हो ।

शुक्रबार भएको विस्फोटमा ६२ को निधन भएको र थुप्रै घाइते भएको नानगरहरका प्रवक्ता अट्टाउल्लाह खोग्यानीलाई उदृत गर्दै संचारमाध्यमले उल्लेख गरेका छन् ।

आक्रमणको जिम्मा भने कुनै पनि समूहले लिइसकेको छैन । मस्जिदमा ३५० भन्दा बढी मानिस प्रार्थना गरिरहेका थिए । मृत्यु हुनेको संख्या अझै बढ्न सक्ने बताइएको छ ।

संयुक्त राष्ट्रसंघको तथ्यांक अनुसार यस वर्ष जुलाई र सेप्टेम्बरको बीचमा एक हजार एक सय ७४ जनाले अफगानिस्तानमा ज्यान गुमाइसकेका छन्।