विश्व

अमेरिकाको जर्जियामा ट्रेनिङ गर्दागर्दै ३ अमेरिकी सेनाको मृत्‍यु

तालिम गर्दागर्दै दुर्घटना भएर आईतबार बिहानै अमेरिकाको जर्जिया राज्यस्थित एक तालिम केन्द्रमा ३ जना अमेरिकी सेनाको मृत्‍यु भएको छ । यसै क्रममा अन्य तीन जना सैनिकहरु घाईते भएर अस्पताल भर्ना गरिएका छन् । दुर्घटना जर्जियास्थित फोर्ट स्टिवार्ट – हन्टर आर्मी एयर फिल्डमा भएको हो ।

अमेरिकी सेनाले जारी गरेको बिज्ञप्तीका अनुसार पहिलो आर्मड ब्रिगेड कमब्याट टिमका सेनाहरु “ब्राड्ली फाईटिङ भेकल” चढिरहेको समय दुर्घटनामा परेको बताईएको छ । बिज्ञप्तीमा दुर्घटना बारे पूर्ण जानकारी उपलब्ध गराईएको छैन ।

दुर्घटनापछि ३ जना सेनालाई घटनास्थलमा नै मृत घोषणा गरिएको थियो भने अन्य तीन सेनालाई उपचारको लागि “विन आर्मी कम्युनिटी हस्पिटल” लगिएको थियो ।  दुर्घटनामा परेका सेनाहरुको नाम हालसम्म सार्बजनिक गरिएको छैन । सो सम्वन्धि बृस्तित जानकारी २४ घण्टा भित्र सार्बनजिक गरिने बताईएको छ ।  

एजेन्सी