काठमाडौं । शरद ऋुतमा सगरमाथा चढ्न गएका आरोही चुचुरोसम्म पुग्न नसकेपछि फर्किएका छन् । जारी सिजनमा सगरमाथा चढ्न दुई समूहका १० जनाले सगरमाथा आरोहण गर्न अनुमति लिएका थिए ।

पर्यटन विभागका अनुसार मौसम प्रतिकूल हुने र आरोहणका लागि बाटो समेत नबनाउने भएका कारण यस मौसममा आरोहण जोखिमपूर्ण मानिन्छ ।

सन् २०१० मा पछिल्लो पटक शरद ऋतुमा सगरमाथामा सफल आरोहण भएयता कुनै पनि आरोही सगरमाथा चढ्न सकेको छैन । यस वर्ष सबै आरोही घर फर्किसकेको पर्यटन विभागको भनाई छ । अन्य हिमालमा भने आरोहण जारी रहेको छ ।

सन् २०१६ मा आरोहण अनुमति जारी भएपनि सगरमाथा चुचुरोमा भने कोही पनि पुग्न सकेन । यस वर्ष धेरै जनाको आरोहण अनुमति भएका कारण सफल हुने अपेक्षा भने गरिएको थियो ।

बसन्तु ऋतुमा भने सगरमाथामा भीड लाग्छ । हरेक वर्ष वसन्तु ऋतुमा ७ सय हाराहारी चुचुरोमा पुग्ने गर्छन् । यस वर्ष शरद ऋतुमा मनास्लु हिमाल आरोहणमा सबैभन्दा बढी २७ टोलीका २ सय ६४ जनाले अनुमति लिएका छन् ।

यस सिजनमा ४४ हिमालमा ९९८ जनालाई आरोहण अनुमति दिइएको छ । आइतबारसम्म १ सय ३३ समूहका ९ सय ९८ आरोहीले अनुमति लिएको विभागको तथ्यांक रहेको छ ।