काठमाडौं । बिहीबार अजरबैजानको बाकुतर्फ प्रस्थान गरेका प्रधानमन्त्रीको सवारीका दौरान करीव आधा घण्टा विमानस्थल बन्द भयो ।

विमानस्थलले जारी गरेको नोटाम अबधिभर कुनै पनि व्यवसायीक उडानका जहाजले उड्ने वा ओर्लने अनुमति पाउँदैनन् ।

त्यसबेला आकासमा होल्ड भएका र मैदानमा रहेका जहाजहरुले भने बिहीबार दिउसो तीन चार घण्टासम्म पनि सास्ती भोग्नु पर्यो । १ बजे अपरान्हका लागि निर्धारित जहाजहरु ४ बजेपछि मात्र पालो पाएका थिए ।

कतिपय उडान रद्द नै गर्नु परेको थियो । कतै मौसम त कतै भिभिआइपी उडानले विमास्थलको उडान अवतरण प्रभावित भएको विमानस्थलका कर्मचारीले जानकारी दिए । असंलग्न राष्ट्रहरुको सम्मेलनमा भाग लिन प्रधानमन्त्री अजरबैजान प्रस्थान गरेका हुन् ।