10-Dec-2019 | २४ मंसिर २०७६, मंगलवार

महरा जेल जान सक्ने : प्रहरीले मुद्दा चलाउनु पर्ने प्रतिबेदन बुझायो

९ कार्तिक २०७६, शनिबार ०   बिचार / प्रतिक्रिया


काठमाडौं 

जबर्जस्ती करणीको उद्योग गरेकोले सो सम्वन्धि मुद्दा चलाउनु पर्ने राय सहित निवर्तमान सभामुख कृष्णबहादुर महरा बिरुद्ध प्रहरीले अनुसन्धान प्रतिबेदन सरकारी वकिलको कार्यलयमा बुझाएको छ । प्रहरीले २० दिनको गहन अनुसन्धान पश्चात उक्त प्रतिबेदन बुझाएको हो । महानगरीय प्रहरी परिसर टेकुका प्रवक्ता प्रहरी उपरिक्षक होबिन्द्र बोगटीका अनुसार महरा र अंकरक्षकको बयान सकिएपछि शुक्रबार नै अनुसन्धानको मिसिल बुझाईएको हो । 

बयानमा महराले रोशनी माथि बलात्कारको प्रयास नगरेको भनेका छन् । “म रोशनी शाहीको निवासस्थानमा गएको हुँ, तर कोठामा प्रवेश गरिन । फोन गरें, उनले उठाईनन् । त्यसपछि फर्किएँ ।” तँपाईसँगै गएका अंगरक्षकले तपाईले त्यहाँ डेढ घण्टा बिताएको भनेका छन्, खुलाईदिनुस् ? भन्ने प्रश्नको जवाफमा महराले २०/२५ मिनेट कुरेर बसेको बताएका छन् । रोशनीले ‘चस्माको टुक्रा र जुत्ताको तलुवा’ तँपाईकै हो भनेका छन् भन्ने सवालमा आफुलाई फसाउने षडयन्त्र भनें । अंगरक्षकले आफ्नो बयानमा “महरासाप जाँदा चस्मा लाएर गएको र फर्किदा बिना चस्मा फर्किएको र मदिराले लट्ठ थिए” भनेका थिए ।

प्रहरी प्रतिबेदन अध्ययन गरी सरकारी वकिलको कार्यालयले मुद्दा चलाउने नचलाउने निर्णय गर्नेछ । प्रहरीले प्रतिबेदनमा जबकको प्रयासको यथेष्ठ प्रमाण पुगेकोले कारवाही गरिपाउन निबेदन गरेकोले मुद्दा चल्ने सम्भावना प्रवल छ ।

निवर्तमान सभामुख महरा सार्वजनिक पदमा रहँदा यस्तो हर्कत गरेकोले प्रहरीले फौजदारी अपराध संहिता अनुसार अझ थप सजायको मागदाबी समेत गरेको छ । संसारको कुनैपनि देशमा सार्वजनिक पदमा बहाल रहेको अवस्थामा सरकार बादी हुने अपराध गरेमा थप सजाय समेत हुने व्यवस्था छ ।

 

Loading...

फेसबुकबाट तपाईको प्रतिक्रिया

सम्बन्धित समाचार