काठमाडौं । प्रधानमन्त्री केपी शर्मा ओली यति बेला अजरवैजानमा छ । उनी अजरबैजानको राजधानी बाकुमा आयोजित असंलग्न आन्दोलनको १८औँ शिखर सम्मेलनमा भाग लिन अजरवैजान आएका हुन् ।

सोही अवसरमा प्रधानमन्त्री ओलीले भेनेजुयलाका राष्ट्रपति तथा नामका निवर्तमान अध्यक्ष निकोलस मदुरोसँग भेटवार्ता गरे । उनीहरुबीच शुक्रबार बाकु कन्भेन्सन सेण्टरमा भेटवार्ता भएको प्रधानमन्त्रीको सचिवालयले जानकारी दिएको छ । भेटमा प्रधानमन्त्री

ओलीले तीन वर्षसम्म नामको सफलतापूर्वक नेतृत्वका लागि बधाई ज्ञापन गरेका थिए । सम्मेलनकै दौरान भारतीय उपराष्ट्रपति भेन्कैया नायडु र प्रधानमन्त्री ओलीबीच पनि भेटवार्ता भएको सचिवालयले जनाएको छ ।

असंलग्न आन्दोलनमा सहभागी पाहुनाको सम्मानमा अजरवैजानले रात्रिभोज आयोजना गरेको छ । सम्मेलन शुक्रबारबाट शुरु भएको हो । प्रधानमन्त्री ओली भने आइतबार स्वदेश फर्कने कार्यक्रम रहेको छ ।