21-Nov-2019 | ५ मंसिर २०७६, बिहीबार

क्रिश्चियन संस्कारमा हुर्किएका अमेरिकी राजदुत बेरिले हिन्दूको चाड तिहार मनाउँदै

१० कार्तिक २०७६, आईतवार ०   बिचार / प्रतिक्रिया


न्युयोर्क

नेपालका हरेक चाड पर्ब संस्कृती रिती रिवाजसँग नजिकको सम्बन्ध राख्दै हरेक स्थानीय चाडपर्बलाई पर्ब कै रुपमा मनाउँदै आएका नेपालस्थित अमेरिकी राजदुत र्यान्डी बेरीले रंगोली बनाउँदै आफ्नो निवासमा  माला र झिलिमिली बत्तीले सझाउँदै तिहार मनाएका छन् । राजदुत बेरीले लक्ष्मी पूजाको तयारी गरेको तस्बिर सामाजिक संजालबाट सार्वजनिक गरिएको हो । एक बर्ष अगाडि अक्टुबर २५ का दिन नेपालको राष्ट्रपति बिद्या देबी भण्डारीलाई आफ्नो ओहदाको प्रमाण पत्र बुझाएर अमेरिकाको लागि नेपालको राजदुतको काम सुरु गरेका बेरीले नेपालस्थित अमेरिकी राजदुतावासको अफिसियल फेसबुक मार्फत हरेक अफिसियल कृयाकलाप सार्वजनिक गर्दै आएका छन ।  

“तपाईंहरूको तिर दीपावलीको तयारी कस्तो चल्दैछ? राजदूत बेरीले पनि आफ्नो सहकर्मीहरूसँग मिलेर तिहारको लागि आफ्नो निवासमा मन्डला बनाउने र घर सजाउने काममा सरिक हुनुभयो।” भनेर नेपालस्थित अमेरिकी दुतावासले आफ्नो अफिसियल फेसबुक पेजमा लेखेको छ ।

नेपालस्थित अमेरिकी मिशन परिवार झिलिमिली पर्व तिहार अन्तर्गत दीपावलीको यो अवसरमा तपाईंहरू सबैको लागि धन र सौभाग्यकी देवी लक्ष्मी बर्षभरी रहनुहुनेछ भन्ने कामना गर्दछौं। शुभ: दीपावलि। भन्दै राजादुत बेरीले रंगोली तथा घरका कोठा र झ्यालहरुमा बत्ती बाल्दै गरेको तस्बिर सार्वजनिक गरिएको छ । यस अगाडि यम पञ्चक मध्ये कै एक दिन कुकुर तिहार समेत राजदुत बेरीले मनाएका छन् । उनले आफ्नो दुई बर्षे कुकुर  लोलालाई पूजा गर्दै कुकुर तिहार मनाएका हुन् ।

Loading...

फेसबुकबाट तपाईको प्रतिक्रिया

सम्बन्धित समाचार