समाचार

नेपाली क्रिकेट टीमको कप्तानी ज्ञानेन्द्रको जिम्मा

काठमाडौं । पारस खड्काको राजिनामा पछि खाली भएको नेपाली राष्ट्रिय क्रिकेट टोलीको कप्तानीको जिम्मेवारी ज्ञानेन्द्र खड्कालाई दिइएको छ ।

निर्वतमान कप्तान पासर खड्काले यसको पुष्टी गरेका छन् । उनले ज्ञानेन्द्रलाई नयाँ जिम्मेवारीका लागि बधाई समेत दिएका छन् । नेपाल क्रिकेट संघ (क्यान)ले राष्ट्रिय क्रिकेट टिमको कप्तानको जिम्मेवारी ज्ञानेन्द्र मल्ललाई दिने निर्णय गरेको हो ।

क्रिकेट संघको निलम्बन फुकुवा भएको भोलिपल्टै पारसले आफ्नो जिम्मेवारीबाट राजिनामा दिएका थिए । उनले गत आइतबार इमेलमार्फत क्यानमा राजिनामा पत्र बुझाएका थिए ।

त्यसपछि क्यानले नयाँ कप्तान छानेको हो । ज्ञानेन्द्र यसअघि टोलीको उपकप्तानको जिम्मेवारीमा थिए । अब उपकप्तानको जिम्मेवारीमा भने दीपेन्द्र सिंह ऐरीलाई ल्याइएको छ ।

पारसले टोली नसम्हालेको बेला ज्ञानेन्द्रले टोलीलाई सम्हाल्ने गरेका थिए । पारस र ज्ञानेन्द्रले नेपाली टोलीको सफलतामा ठूलो योगदान दिएका छन् । अब ज्ञानेन्द्र नयाँ भूमिकामा भने कति जम्छन्, त्यो भने भावि दिनमा देखिने छ ।