स्वास्थ्य

मृगौला प्रत्यारोपण सम्बन्धि रिसर्चका लागि नेपाली डाक्टरलाई १ करोड राशीको अवार्ड

आनन्द श्रेष्ठ / न्यूयोर्क

भक्तपुरस्थित शहीद धर्मभक्त राष्ट्रीय प्रत्यारोपण केन्द्रमा कार्यरत डाक्टर किरण जंग कुँवरलाई १ करोड रुपैयाँ राशीको अवार्ड प्रदान गरिएको छ । उक्त अवार्ड मृगौला प्रत्यारोपण सम्बन्धी अनुसन्धानका लागि, दक्षिण कोरियामा अक्टोबर १७ देखि १९ गतेसम्म चलेको एसियन ट्रान्सप्लान्ट समिटमा डा कुँवरले पेश गरेको रिसर्च पेपर, सम्मेलनमा उत्कृष्ट ठहरिएपछि दिईएको हो । यो अवार्डलाई नेपालको चिकित्सा क्षेत्रको ठुलो उपलव्धिको रुपमा चर्चा गरिएको छ ।

डाक्टर कुँवरसँग नेपालमा लामो समयदेखि मृगौला रोग सम्वन्धि उपचार र अनुसन्धानको अनुभव रहेको छ । सम्मेलनमा एसियन मुलुकका अतिरिक्त युरोप र अमेरिकाका डाक्टरहरूको समेत सहभागिता थियो ।

युरोलोजीमा विद्यावारिधी गरेका पुरस्कृत डा.कुँवरले “यो पुरस्कारले मृगौला प्रत्यारोपण सम्बन्धी थप अध्ययन र अनुसन्धानमा निरन्तर लागिरहन थप प्रेरणा मिलेको छ” भन्नु भएको छ ।