सुपेन्द्र बस्नेत/बोष्टन

नेपालीकाे महान चाड तिहारमा खेलिने द्येउसी भैलाेले बिदेशमा पनि उच्च प्राथमिकता पाउदै गइरहेकाे छ । अन्य मुलुकलाई जस्तै यसले अमेरिकालाई पनि अछुताे छाेडेन ।  नेपाल र नेपालीकाे महत्वपूर्ण पहिचान बाेकेकाे याे चाडकाे अवसर पारेर अमेरिकाकाे बाेष्टनमा बृहत सामुहिक द्येउसी भैलाे कार्यक्रम सम्पन्न गरिएकाे छ। अमेरिकाकाे म्यास्याच्युसेट्स राज्यकाे बाेस्टन स्थित नेपाली समुदायकाे संस्था पशुपतिनाथ तथा बाैद्ध फाउण्डेशन अफ न्यू ईगंल्याण्ड(प्याब्फाेन)काे आयाेजनामा उक्त कार्यक्रम सम्पन्न भएकाे हाे । 

बिगतमा झै यसबर्ष पनि  म्यास्याच्युसेट्स् राज्यमा छरिएर रहेका नेपाली समुदायलाई सक्दाे  समेट्नका  लागि अक्टाेबर २५ सुक्रबार – एभरेट,  २६ सनिबार -साेमरभिल, र २७ आइतबार नर्थ डार्टमाउथ र  २८ साेमबार ब्रेनट्री स्थित संस्थाकाे आफ्नै भवनमा द्येउसी भैलाे खेलिएकाे थियाे । नेपाली धर्म,संस्कृति,रितिरिवाज,परमपरा, कला, भाषा  आदिकाे संरक्षण तथा सम्बर्धनका साथै समग्र नेपाललाई विश्व सामु परिचित गराउन सक्दाे याेगदान पुर्याउने र संस्था सञ्चालनका लागि आवश्यक आर्थिक सहयाेग संकलन गर्ने मुख्य उद्देश्यले कार्यक्रमको आयोजना गरिएकाे संस्थाका  प्रवक्ता परशुराम फुयालले जानकारी दिनु भयाे । कार्यक्रम हर्षाेल्लास तथा उत्साहजनक रुपमा सम्पन्न गर्न सकिएकाे प्रति खुसी ब्यक्त गर्दै प्रवक्ता फुयालले महत्वपुर्ण याेग्दान पुर्याउने सबैलाई धन्यबाद ब्यक्त गर्नु भयाे । संस्थाका प्रथम उपाध्यक्ष सुरेश वाग्लेकाे संयाेजकत्व रहेकाे तिहार लक्षित सांगितिक माहाेल सहितकाे कार्यक्रममा उपस्थित सबैले भरपुर मनाेरञ्जन लिनुका साथै संस्थाका लागि चाैधहजार छब्बिस अमेरोकी डलर दान सहयाेग स्वरुप संकलन समेत भएकाे संस्थाले जनाएकाे छ । संकलित उक्त दान रकम नेपाली समुदायकै हक हितका लागि खर्च गरिने याेजना रहेकाे संस्थाका रञ्जन थापाले जानकारी दिनु भयाे । संस्थाकाे स्थापनाकालदेखि नै खेलिदै आएकाे द्येउसी भैलाे

कार्यक्रमलाई आगामी बर्षहरूमा पनि प्राथमिकताका साथ निरन्तरता दिइने सचिव थापाले बताउनु भयो। संस्थाले गत अगष्टमा ब्रेनट्रीमा बहुउपयाेगी हुनसक्ने भवन खरिद गरेर आफ्ना संस्थागत क्रियाकलापहरुलाई तिब्रता दिदै आईरहेकाे छ। सामुदायिक केन्द्रका रुपमा सन्चालन गर्ने उद्देश्यकाे साथ कुल १७ लाख ५० हजार अमेरिकी डलरमा खरिद गरिएकाे उक्त भवन १४ हजार ४ सय स्क्वायर फुट जमिनमा फैलिएकाे छ । उक्त भवनमा हाल संस्थाकाे नामलाई सम्बाेधन हुने गरी पशुपतिनाथकाे मन्दिर र स्वयम्भु स्तुपा स्थापना गरिएकाे छ । सन् २०१२ मा गठन  गरिएकाे पशुपतिनाथ बुद्ध फाउण्डेशन अफ न्यु इंगल्याण्ड(प्याब्फाेन) काे लामाे अथक प्रयास पछि याे सम्भव भएकाे हाे । अमेरिकाकाे यस म्याचेच्युसेट राज्यमा झण्डै ३० हजारकाे हाराहारीमा नेपालीहरु रहेकाे अनुमान गरिएकाे छ । जाे अमेरिका कै  नेपालीहरुकाे ठुलाे संख्या रहेकाे राज्यहरु मध्यकाे एक हाे । यद्यपी  निकै सानाे संख्याले मात्र संस्थासंग सक्रिय आबद्धता जनाई रहेकाले बाँकी ठुलाे संख्यालाई समेट्न बिषेश पहलकदमी गरिनु पर्ने जरुरी देखिन्छ।