29-Jan-2020 | १५ माघ २०७६, बुधबार

लीग लिडर बार्सिलोनालाई कमजोर लेभान्टेले हरायो

१७ कार्तिक २०७६, आईतवार ०   बिचार / प्रतिक्रिया


काठमाडौं । स्पेनिस लालीगा लिडर बार्सिलोनालाई कमजोर टोली लेभान्टेले पराजित गरेको छ । लेभान्टले पाहुना टोली बार्सिलोनालाई ३–१ गोल अन्तरले हराएको हो ।

घरेलु मैदानमा बाघ समान हुने बार्सिलोना अवे मैदानमा भने कमजोर देखिने गरेको छ । शनिबार राति सम्पन्न खेलमा अग्रता भने बार्सिलोनाले लिएको थियो ।

कप्तान लियोनल मेसीको पेनाल्टी गोलमार्फत ३८ औं मिनेटमा बार्सिलोनाले अग्रता लिएको थियो । तर, दोस्रो हाफमा बार्सिलोनाले आफ्नो लय गुमायो र तीन गोल खान पुग्यो ।

बार्सिलोनाले ७ मिनेटको अन्तरमा तीन गोल खाएको थियो । जोस कम्पानाले खेलको ६१ औं मिनेटमा गोल गर्दै लेभान्टेलाई १–१ गोलको बराबरीमा फर्काए ।

६३ औं मिनेटमा बेरजा मेयराल र निमन्जा राडोजाले ६८ औं मिनेटमा गोल गर्दै लेभान्टेलाई प्रभवशाली जीत दिलाए ।

एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार