काठमाडौं । आइतबार मन्त्रिपरिषद् बैठक बस्दैछ । प्रधानमन्त्री केपी ओलीले बालुवाटारमा ११ बजेका लागि मन्त्रिपरिषद बैठक बोलाएका छन्।
आफ्नो पछिल्लो स्वास्थ्य उपचारपछि उनले पहिलो पटक मन्त्रिपरिषद् बैठक बोलाएका हुन् । यो नियमित बैठक भने होइन् । बैठकमा आफनो स्वास्थ्य अवस्थाबारे मन्त्रीपरिषद्का सदस्यलाई जानकारी गराउने सम्भावना छ ।
यसअघि उनले नेकपाका नेताहरुलाई स्वास्थ्य अवस्थाबारे व्रिफ्रिंग गरेका थिए । उनले आफ्नो मृगौलाले काम गर्न छाडिसकेको जानकारी गराउदै नियमित डाइलाइसिस वा प्रत्यारोपण नै विकल्प रहेको जानकारी डाक्टरबाट आएको उल्लेख गरेका थिए ।
त्यसो त आगामी उपनिर्वाचनमा आफ्नो उमेदवारको टुंगो लगाउन नेकपा सचिवालयको बैठक समेत आइतबारकै लागि बोलाइएको छ । तर, त्यसको समय भने अझै तय भइसकेको छैन ।
