काठमाडौं । नेपालभन्दा बाहिर संसारभर ७ जनवरी २०२० मा नेपाल भ्रमण वर्षको शूभारम्भ गरिने भएको छ । सरकारले विदेशस्थित नेपाली दूतावासहरुलाई पत्राचार गर्दै शूभारम्भ भब्य बनाउने गरी तयारी थाल्न परिपत्र गरेको छ ।

नेपालमा भने १ जनवरी २०२० मै भ्रमण वर्षको शूभारम्भ गरिने भएको छ । पर्यटन मन्त्रालयले विदेशस्थित नियोगलाई गरेको पत्राचारमा सम्बन्धित देशका राष्ट्र प्रमुख, सरकार प्रमुख, मन्त्रीजस्ता विशिष्ठ अतिथिको सहभागिता सुनिश्चित गर्ने वातावरण बनाउन आग्रह गरिएको छ ।

नेपालमा आयोजना हुने भ्रमण वर्षको शुभारम्भमा समेत विदेशबाट सम्भव भएसम्म विशिष्ट व्यक्ति सहभागी गराउन पहल गर्न समेत परिपत्र गरिएको छ ।
मन्त्रालयले दूतावास तथा विदशका नेपाली नियोगलाई दिएका निर्देशन यस्ता छन्
१. प्रमुख शहरमा स्थानीय ट्राभल एजेन्सी, टूर अपरेटर, एयरलाईन्स कम्पनी लगायतको भेला गरी नेपाल भ्रमण वर्षको प्रवर्द्धनका लागि योजना बनाउने ।

२. प्रमुख शहरहरुमा नेपालको पर्यटन प्रवर्द्धन सम्वन्धि गोष्ठी, सेमिनार लगायतका कार्यक्रम आयोजना गर्ने यस्ता कार्यक्रममा सम्वन्धित देशका प्रवुद्ध व्यक्तित्व तथा संघ( संस्थाहरुको बढी भन्दा बढी प्रतिनिधित्व गराई कार्यक्रम सञ्चालन गर्ने गराउने व्यवस्था गर्ने ।

३. नेपालको भ्रमण गरेका सम्वन्धित देशका प्रवुद्ध व्यक्तित्वहरु, हिमाल आरोहीहरु र अन्य सेलिव्रेटीहरुको भेला आयोजना गरी वहाँहरुलाई भ्रमण वर्षको प्रवर्द्धनका लागि परिचालन गर्ने ।

४. विभिन्न शहरहरुमा हुने पर्यटन, व्यापार, सांस्कृतिक लगायतका मेला तथा भ्हउय हरुमा नेपालको पर्यटन प्रवर्द्धनको काम गर्ने र नेपालका व्यवसायीको सहभागिता प्रवर्द्धन गर्ने ।

५. प्रत्येक देशका र मुख्य मुख्य शहरमा गैरआवासीय नेपाली र स्थानीय संघ संस्थाका प्रतिनिधिहरु समावेश गरी नेपाल भ्रमण वर्ष, २०२० सहयोग समितिहरु गठन गर्ने र भ्रमण वर्ष सचिवालयमा त्यसको जानकारी दिने ।

६. राजदूतावास एवं महावाणिज्य दूतावासमा भ्रमण वर्षको डेस्क स्थापना गर्ने । गैरआवासीय नेपालीसँगको समन्वयमा उक्त डेस्कहरुमा नियमित रुपमा स्वयंसेवक खटाउने व्यवस्था मिलाउने ।

७. तोकिएको मापदण्डभित्र पर्यटन दूत र नेपाल भ्रमण वर्ष, २०२०का लागि सदभावना दूतहरु नियुक्तिका लागि नाम सिफारिस गरी संस्कृति, पर्यटन तथा नागरिक उड्डयन मन्त्रालयमा पठाउने ।

८. गैर आवासीय नेपाली संघ र स्थानीय संघ संस्थालाई समन्वय गरी मानिसहरुको आवत(जावत र घनत्व वढी हुने सार्वजनिक स्थलहरुमा पर्चा वितरण, कार तथा साईकर्ल याली, प्रचार सामाग्रीहरुको प्रवर्द्धन, वकाथन, पद(यात्रा लगायतका कार्यक्रम आयोजना गर्ने । उल्लेखित कार्यक्रमहरु स्थानीय संचार माध्यमबाट प्रचार(प्रसार गराउने साथै कार्यक्रमका फोटो र समाचार भ्रमण वर्षको सचिवालयमा समेत पठाउने ।

९. सन् २०२० को शुरुमा निर्माण कार्य सम्पन्न भई गौतम बुद्ध अन्तर्राष्ट्रिय विमानस्थल भैरहवामा सन् २०२० को मार्च देखि अन्तर्राष्ट्रिय उडान गर्ने लक्ष्य रहेको छ । उक्त विमानस्थलमा सम्वन्धित देशबाट हवाई सेवाको लागि विमान कम्पनीलाई उडान गराउन पहल गर्ने ।

१०. सन् २०२० भरीमा नेपालमा गोष्ठी, सेमिनार तथा वैठकहरु आयोजनाहरु गर्न विभिन्न राष्ट्रिय तथा अन्तर्राष्ट्रिय संघ संस्थालाई आव्हान गर्ने साथै उच्च स्तरीय भ्रमण लगायत विभिन्न सेलिव्रेटीहरुको भ्रमणका लागि पहल गर्ने ।

११. सन् २०२० भरी माथि उल्लेखित कार्यक्रमहरुका अतिरिक्त नेपाल भ्रमण वर्षको प्रचार-प्रसार र प्रवर्द्धनका लागि विभिन्न सिर्जनात्मक कार्य गर्ने सो का लागि भ्रमण वर्ष सचिवालय र नेपाल सरकारसंग नियमित रुपमा समन्वय गर्ने ।

१२. नेपाल वर्ष २०२० को सचिवालय र गैरआवासीय नेपाली संघ बीच ३ कात्तिक २०७६ मा भएको समझदारी कार्यान्वयनका लागि आवश्यक पहल गर्ने ।