न्युयोर्क

यु एस एयर फोर्सको एक्स ३७ बि स्पेस प्लेन ७८० दिन आकाशमा उडेर गत अक्टोबर २७  तारिख आइतबार पृथ्बीमा अबतरण गरेको छ । यो जहाज रहस्यमयी सैनिक प्रयोग कार्यक्रम अन्तर्गत दुई बर्ष एक महिना २० दिन पृथ्बीको कक्षमा घुमेर फर्किएको हो । सानो “स्पेस शटल” जस्तो देखिने उक्त जहाज कक्षको परिक्रमा गरी आइतबार नासास्थित केनेडी स्पेस सेन्टरमा अवतरण गरेको यु एस एयर फोर्सले आफ्नो वेब साईटमा जनाएको छ । यो स्पेस प्लेनको प्रयोग अमेरिकी ईतिहासमा पाँचौ हो भने हरेक स्पेस प्लेन अघिल्लो भन्दा लामो समय कक्षमा रहने गरेका छन् ।

यस्ता प्रयोगहरुको पूर्ण विवरण भने अति गोप्य राखिने गरिएको छ ।  एयर फोर्स सेक्रेटरी बारबरा बरेटले भनेकी छिन् “एक्स ३७ बिको नियमित प्रयोग स्पेस प्लेनको पुन प्रयोगको महत्वलाई देखाँउछ र प्रत्येक सफल प्रयोगले हाम्रो राष्ट्रको आन्तरिक्ष शक्तीलाई अझ अगाडि बढाउँछ ।”

यति लामो अन्तरिक्षको यात्रा सम्पन्न गरेर फर्किएको २९ फिट लामो साँढे नौ फिट उचाई १५ फिट लामो पखेटा भएको जहाज सन् २०१७ को सेप्टेम्बरमा पृथ्वीबाट उडेको थियो ।