न्यूयोर्क ।

युएस नेपाल आरोही संघले कन्सुलेट जनरल अफ नेपाल, न्यूयोर्कको सहकार्यमा माउण्ट एभरेष्ट डे मनाउने भएको छ ।

“हाम्रो प्राथमिकता हिमाल जोगाउन सबैको सहभागिता” भन्ने नारा सहित न्यूयोर्कको ज्याक्सन हाईट्सको डाईभर्सिटी प्लाजामा नेपालको हिमाल र हिमाली भेगसँग सम्वन्धित बिबिध सामग्री प्रदर्शन गर्दै साथमा साँगितिक कार्यक्रम सहित मनाउन लागिएको हो । 

युएस नेपाल आरोही संघका अध्यक्ष पासाङ् शेर्पाले ‘हिमाल नेपालको महत्वपूर्ण पहिचान भएको बताउँदै हामीले नेपालको हिमाललाई प्रदुषित हुन र अतिक्रमण हुनबाट जोगाउनु पर्छ । यस्को उचित प्रचार प्रसारले नेपालको अर्थतन्त्रलाई फाईदा हुन्छ । संघले हरेक वर्ष निरन्तरता दिने पनि उदृत गरेका छन् । 

जुन २ तारिख आईतबार बिहान ११ बजेदखि साँझ ६ बजेसम्म हुने कार्यक्रमको एम्सीद्वय सेल्बी ससर र डोल्मा शेर्पाले गर्छन् भने चर्चित डिजे जाङ्बुले माहोल मोहक पार्नेछन् ।

कलाकारहरु जगदिस समाल, फेरा डेण्डी लामा, डेण्डी शेर्पा, श्याम नेपाली, मेलो एञ्जेलो समुहका साथमा नेपाली ब्याण्डको लाईभ प्रस्तुती हुने जानकारी गराईएको छ ।