काठमाडौं । अतिक्रमणका कारण खुम्चिएको खुलामञ्च खाली गराई सरंक्षणमा दवाव सिर्जना गर्न अभियान शुरु हुँदैछ । अकुपाई टुँडिखेल नामक उक्त अभियान शनिबारबाट शुरु हुन लागेको छ ।

रानीपोखरीदेखि दशरथ रंगशालासम्म फैलिएको टुँडिखेललाई खाली गरी खुला क्षेत्रका रुपमा संरक्षण गर्न दवाव सिर्जना गर्ने उद्देश्यले यो अभियान प्रारम्भ भएको हो ।

नागरिक अभियानकर्मीले यो अभियानको नेतृत्व गरेका छन् । जहाँ सर्वसाधारणको स्वतस्फूर्त सहभागिता हुने अपेक्षा गरिएके छ ।

आयोजकका अनुसार अकुपाई टुँडिखेलमा करीव ३ हजार मानिसको हाते सांलोले टुडिखेललाई घेर्ने कार्यक्रम रहेको छ । शनिबारबाट शुरु यो अभियान हरेक शनिबार सञ्चालन हुने भएको छ ।

काठमाडौंमा खुला स्थान खुम्चिदै गएको सन्दर्भमा सरकारी जग्गालाई समेत सरकारी निकायले अतिक्रमण गरी खुम्चाउँदै गएपछि सार्वजनिक खुला जग्गाको संरक्षणमा दवाव दिन यो अभियान थालिएको हो ।

जुन निकायले सार्वजनिक सम्पत्तिको संरक्षण गर्नुपर्ने हो, सोही निकायबाट दोहन भएको भन्दै त्यसको विरोधमा अभियान प्रारम्भ भएको अभियन्ताहरुको भनाई रहेको छ ।

यस अभियानमा काठमाडौं उपत्यकाका मेयरको भने असहमति छ । उनी यस अभियानलाई राजनीतिक उद्देश्यबाट प्रेरित अभियान ठान्छन् ।