न्यूयोर्क

सुमधुर स्वरकी धनी गायिका रानी शाक्यले आफ्नो नयाँ गीत “पहिलो माया” यूट्यूब मार्फत वर्ल्ड प्रिमीयर गरेकी छिन् । उनले यस पटक म्युजिक भिडियो सहित गीत सार्वजनिक गरेको हो । जसमा रानी शाक्य र ओम कर्माचार्यको स्वर रहेको छ ।

ओम कर्माचार्यको रचना तथा संगीत रहेको उक्त गीतको म्यूज़िक भिडीयोको छायांकन न्यूयोर्कको बिभिन्न स्थानहरुमा गरिएको छ ।कलाकारहरुमा ह्यान्सी राव र एलिजा कार्कीले अभिनय गरेका छन् । म्युजिक भिडियोका कलाकारहरु अमेरिकाको मेरिल्याण्ड र न्यूयोर्कमा बस्दै आएका छन् ।

गीतको रेकर्डिङ कार्यदेखि म्यूजिक भिडियोको कार्यसम्म सम्पुर्ण काम न्यूयोर्कस्थित “ओम मेगा अडियो एण्ड भिडियो प्रोडक्शन” मा गरिएको छ । म्यूजिक भिडियोमा क्यामरा, एडिटिङ तथा निर्देशन कर्माचार्यले नै गरेका छन् ।

गीतको बारेमा गायिका रानी शाक्य भन्छन्; गीत राम्रो बनेकाले दर्शक श्रोताहरुले पक्कै पनि रुचाउने छ” ।

गीतको सम्पूर्ण पक्ष राम्रो बनेकोले गीत चल्ने विश्वास गरिएको छ । गीत युट्युबमा “पहिलो माया…” बाट हेर्न सकिनेछ ।