काठमाडौं । सचिवालय तथा सल्लाहकारहरुको कामप्रति प्रधानमन्त्रीले असन्तुष्टी व्यक्त गरेपछि प्रधानमन्त्री केपी शर्मा ओलीका सल्लाहकारहरु फेरिने भएका छन् ।

सचिवालयका वर्तमान सदस्यले सामूहिक राजीनामाको तयारी गरिरहेको वालुवाटार स्रोतले जानकारी दिएको छ ।

प्रधानमन्त्रीका मूख्य सल्लाहकार विण्णु रिमालसहित विदेश मामिला सल्लाहकार राजन भट्टराई, जनसम्पर्क सल्लाहकार अच्युत मैनाली, स्वकीय सचिव इन्द्र भण्डारी, प्रेस सल्लाहकार कुन्दन अर्याल सूचना प्रविधि सल्लाहकार अस्गर अली रहेका छन् ।

उनीहरुले अहिले आफ्नो जिम्मेवारी त्यागेर प्रधानमन्त्रीलाई सहजीकरण गर्न लागेको बताइएको छ । सदस्यरुले स्वच्छिक रुपमा राजिनामाको तयारी भनेपनि उनीहरुको कामबाट प्रधानमन्त्री सन्तुष्ट नभएपछि प्रधानमन्त्री स्वयमले बाटो क्लियर गर्न सुझाव दिएका थिए ।

प्रधानमन्त्री अग्रगामी सोँचका साथ अगाडी बढ्न चाहने तर, सचिवालयले त्यसमा साथ दिन नसकेपछि उनी असन्तुष्टी थिए ।

प्रधानमन्त्री मन्त्रीपरिषद्का कतिपय सदस्यसँग पनि सन्तुष्ट छैनन् । केही दिनमै मन्त्रीपरिषद् पुनर्गठनको समेत सम्भावना रहेको बताइएको छ ।