काठमाडौं । उद्योगपति डा. रुप ज्योतीले आफू र आफ्नो परिवारलाई फसाउन नियोजित रुपमा लागिएको बताएका छन् ।

आफूमाथि लागेको आरोपको अस्वीकार गर्दै अमेरिकामा बस्ने छोरीलाई समेत मुद्दा हालेर नियोजित रुपमा बदनाम गर्न खोजिएको उनको भनाई छ ।

आइतबार जिल्ला अदालत काठमाडौमा उपस्थित गराइएका उनले बदनाम गराउने उद्देश्यबाटै आफुमाथि नियोजित प्रहार भइरहेको बताए । उनले वकिल नराखी अदालतमा आफै बहस गरेका थिए ।

ज्योतीलाई प्रहरीले बिहीबार त्रिभुवन अन्तर्राष्ट्रिय विमानस्थलबाट पक्रेको थियो । उनी सिंगापुरबाट नेपाल आउँदै गर्दा पक्राउ परेका हुन् ।

विगेन्द्रकृष्ण मल्लले १ करोड २६ लाख रुपैयाँ ठगी गरेको भन्दै प्रहरीमा जाहेरी दिएका थिए । सोही आधारमा प्रहरीले उनलाई पक्राउ गरेको हो ।

ज्योतीले वहसमा वकिल नराखी वहस गरेका थिए । उनले ज्योति ग्रुपको इज्जत र प्रतिष्ठमाथि बलात्कार भइरहेको समेत बताए ।
आफूलाई पक्रनु पर्ने कुनै कारण नभएको जिकिर गर्दै उनले सिंगापुरमा छँदै आफू पक्राउ पर्ने खबर पाइसकेको बताए ।

तर, अदालतबाट न्याय पाउने आशामा आफू नेपाल आएको उनले बताएका छन् । घरबाट ननिस्कने एक जना बहिनीलाई पनि ठगिको जाहेरी परेको भन्दै उनले कसरी ठगिन भन्दै उनले प्रश्न गरेका छत् ।

वहसपछि न्यायाधीशले रूप ज्योती र उनकी छोरी सुरूचीलाई हिरासतमै राखेर अनुसन्धान गर्न पाँच दिनको म्याद दिएका छन्।