फिचर

ओमानसँग श्रम सम्झौताको तयारी

काठमाडौं । नेपाल र ओमानबीच श्रम सम्झौता हुने भएको छ । नेपालबाट शून्य लागतमा कामदार ओमान जान सक्ने गरी सम्झौताको तयारी भइरहेको श्रम, रोजगार तथा सामाजिक सुरक्षा मन्त्रालयले जनाएको छ ।

पछिल्लो समय नेपालले रोजगारदाता मुलुकसँग श्रम सम्झौतालाई उच्च प्राथमिकता दिएको छ । यसबाट कामदारको सुरक्षा र पारिश्रमिकको ग्यारेन्ट गर्छ । उनीहरुको लागत पनि कम हुन्छ ।

नेपालले मन्त्रिपरिषद्बाट श्रम सम्झौताको प्रस्ताव पास गरी ओमान पठाएको मन्त्रालयले जनाएको छ । ओमानमा घरेलु कामदारलाई निषेध गर्ने र दक्ष तथा अर्धदक्ष कर्मचारी पठाउने गरी सम्झौता हुने छ ।

सम्झौताका लागि ओमानी पक्षलाई नेपाल बोलाइने भएको छ । नेपालले अहिलेसम्म ८ मुलुकसँग श्रम सम्झौता गरिसकेको छ ।