विज्ञान प्रविधि

साउनबाट विदेशी च्यानलमा विज्ञापन बन्द

काठमाडौं । अब नेपालमा प्रसारण हुने विदेशी च्यानलले विज्ञापन बजाउन पाउने छैनन् । सरकारले विज्ञापन ऐन राजपत्रमा प्रकाशित गरेको छ ।

यस ऐन अनुसार ऐन लागू भएको एक वर्षभित्र क्लिनफिड लागू भइसक्नु पर्छ । यो ऐन १ साउन अर्थातः चालु आर्थिक वर्षबाट लागु हुने गरी बनाइएको हो ।

सोहीकारण आगामी १ साउन २०७६ बाट सबै विदेशी च्यानलमा क्लिनफिड लागू हुने सूचना तथा संचार प्रविधि मन्त्रालयले जनाएको छ ।

कानून अनुसार अब विदेशी विज्ञापनलाई नेपालका सञ्चार माध्यमले प्रसारण गर्दा डबिङ गरी प्रसारण गर्न पाउने छैनन् । त्यसको साटो विदेशी उत्पादनले पनि अब नेपाली विज्ञापन बजाउनु पर्ने भएको छ ।

यसले नेपालको विज्ञापन बजार बढाउने भएको छ । इमेल र एसएमएसबाट हुने विज्ञापनमा पनि कडाई गरिएको छ ।