अमेरिकाको सिमानामा एक हजार भन्दा धेरै गैर कानुनि आप्रबासीहरु पक्राउ परेका छन् । अमेरिका भित्र पस्दै गरेका १०३६ गैर कानुनि आप्रबासीहरुलाई अमेरिका प्रवेश गर्दै गर्दा टेक्सासको एलपासो क्षेत्रमा बुधबार बिहान यु एस कस्टम एण्ड बोर्डर प्रोटेक्सन एजेण्टले पक्राउ गरेको हो । श्रोतका अनुसार अमेरिकी ईतिहासमा खुला सिमा हुदै छिर्न खोज्ने गैर कानुनि आप्रबासीहरु यति ठुलो संख्यामा एकै पटक पक्राउ परेको यो पहिलो पटक हो । यस अगाडिको रेकर्ड ४२४ जनालाई सिमाना पार गरेर अमेरिका छिर्दै गर्दा अघिल्लो महिना पक्राउ गरिएको थियो । सन् २०१८ मा कस्टम एण्ड बोर्डर प्रोटेक्सन एजेन्टले १०० जना भन्दा माथिको १३ वटा समूहलाई पक्राउ गरेको थियो भने सन् २०१९ को सुरुवात देखि नै ठुलो ठुलो समूह बनेर अमेरिका प्रवेश गर्न खोज्न्ने क्रम बढ्दै गएको श्रोतले बताएको छ ।
पक्राउ परेका आप्रबासीहरु ग्वाटेमाला ,एल सल्वाडोर ,हन्डुरस लगायतका मुलुकहरुबाट हुन् ।पक्राउ परेका मध्ये ६३ जना नाबालक बच्चाहरु समेत रहेका छन् ।
एजेन्सी