14-Dec-2019 | २८ मंसिर २०७६, शनिबार

न्युयोर्कमा बन्दै छ खोला माथि पार्क र रंगशाला

२९ कार्तिक २०७६, शुक्रबार ०   बिचार / प्रतिक्रिया


न्युयोर्क

झण्डै ९० लाख मानिसको बासस्थान न्युयोर्क  शहर बिभिन्न कारणले संसारभरका मानिसका लागि सपनाको शहर हो । त्यति मात्र होईन, न्युयोर्क त्यस्तो शहर हो जुन शहरमा बसोबास गर्ने र घुम्ने ईच्छा   अमेरिका कै अन्य राज्यमा बसोबास गर्नेहरुका लागि पनि तिब्र हुने गर्दछ । झण्डै ४ सय बर्ष पुरानो न्युयोर्क शहरमा हरेक दिन केही न केही नयाँ पूर्वधार बनी रहेकै हुन्छन् । केही न केही नयाँ भौतिक संरचनाको बिकास भै रहेकै हुन्छ ।

पर्यटकीय केन्द्र न्युयोर्कमा पर्यटक आकर्षणका लागि केही नयाँपन दिने कोशिस राज्य संयन्त्रमा काम गर्नेहरुका लागि चुनौतीका रुपमा रहने गर्दछ । त्यही बिशेष शहर न्युयोर्कमा सन् २०२१ मा सम्पन्न गर्ने गरी नयाँ पर्यटकीय  गन्तब्य “हड्सन रिभर” माथि तैरिने पार्क निर्माण गर्ने काम तिब्र गतीमा भै रहेको छ । न्युयोर्क र न्युजर्सी राज्यलाई छुट्याउने बिशाल हड्सन खोला माथि २ दशमलब ४ एकर्ड (२० रोपनी) को उत्रिने पार्क चेल्सी पियर्सको किनारा नजिकै निर्माण हुन लागेको हो । सन् २०२१ को स्प्रिङ्देखि संचालनमा ल्याउने लक्ष्य राखिएको तैरिने पार्कको निर्माण लागत २५ करोड अमेरिकी डलर रहेको छ । एक सय जातका बोट बिरुवा, साना पहाड झै देखिने सुन्दर प्राकृतिक दृष्य, चौर अनि पैदल मार्ग लगायतका भौतिक संरचना पार्क भित्र निर्माण गरिने छ ।  

आँखा रमाउने प्राकृतिक दृष्य त तैरिने पार्कमा हुने नै छन् तर अचम्म लाग्दो कुरा पार्कमा ७ सय सिट क्षमताको रंगशाला समेत निर्माण हुँदै छ । अर्बपति बेरी डिलर जस्ले पार्क निर्माणको लागि आर्थिक सहयोग समेत  गरेका छन् । उनी र उनकी फेसन डिजाईनर धर्मपत्नी डेनी भोन फ्रस्टेन्वर्गले पार्क भित्रको रंगशालामा बर्षभरी आयोजना हुने हरेक कार्यक्रमको ५१ प्रतिशत  टिकट सर्वसाधारणका लागि निशुल्क प्रायोजन गर्ने समेत बताएका छन् । पानी माथि तैरिने पार्कको डिजाईनर थोमस् हिथरविक हुन ।  पार्कमा १३२ वटा सिमेन्टका ठुला ठुला सोलीहरु प्रयोग गरिने छन् । पार्कमा प्रवेश गर्न पुल तरेर जानु पर्नेछ ।

तस्विर: टाइम आउट

Loading...

फेसबुकबाट तपाईको प्रतिक्रिया

सम्बन्धित समाचार