समाचार

मेक्सिको हुदै अमेरिका छिर्ने आप्रबासी बढे पछि मेक्सिको आयातित सामानमा भारि कर लगाउने ट्रम्पको घोषणा

रास्ट्रपति डोनाल्ड ट्रम्पले छिमेकी रास्ट्र म्याक्सिकोबाट आयातित सम्पुर्ण सामानमा जुन महिनाको १० तारिक देखि ५ प्रतिशत सिमा सुल्क र २५ प्रतिशत भन्सार कर लागाउने बताएका छन् । ट्रम्पले बिहिबार सांझ आफ्नो ट्विटर एकाउण्टमा लेखेका छन् ” जुन १० तारिक देखि संयुक्त राज्य अमेरिकाले हाम्रो देशमा मेक्सिकोबाट आउने सम्पुर्ण सामानमा गैर कानुनि आप्रबासीहरु मेक्सिको हुदै भित्रीने क्रम रहे सम्मका लागि ५ प्रतिशत सिमा सुल्क लगाउने छ । गैर कानुनि रुपमा यस्ता आप्रबासी मेक्सिको हुदै अमेरिका छिर्ने क्रम नरोकिए सम्म यो सिमा सुल्क क्रमिक रुपमा बढ्दै जाने छ ” । रास्ट्रपति ट्रम्पले आफ्नो व्यक्तिगत ट्विटर एकाउण्टमा लेखेको केहि घण्टा पछाडी ह्वाईट हाऊसले मेक्सिकोबाट आयातित सामानहरुमा लगाउने अतिरिक्त भन्सार सुल्क र सिमा सुल्कको बारेमा बिज्ञप्ति निकालेको थियो ।
सन् २०१८ मा मेक्सिको अमेरिकामा सामान निर्यात गर्ने दोश्रो ठुलो मुलुक हो । अमेरिकामा मेक्सिकोबाट सन् २०१८ मा ३ सय छयालीस दशमलब ५ बिलियन अमेरिकी डलरको सर सामान आयात भएको थियो । सन् २०१८ मा अमेरिकामा आयातित सामानहरु मध्ये १३ दशमलब ६ प्रतिशत सामान मेक्सिको बाट आएको थियो । अमेरिकी रास्ट्रपतिको भन्सार सुल्क सम्बन्धि नयाँ योजना सहितको बिज्ञप्ति आए संगै मेक्सिकोका रास्ट्रपति एण्ड्रिज मेनुएल लोपेज अब्राडोरले रास्ट्रपति ट्रम्पलाई पत्र लेखेर भनेका छन् ” सामाजिक समस्याको समाधान करबाट हुदैन । हामि अध्यागमन सम्बन्धि समाधानको लागि गम्भीर बार्ता गर्न सक्छौ ” ।
एजेन्सी