फिचर

विश्वचर्चित क्रिकेटर सचिन नेपालमा

काठमाडौं । विश्वचर्चित क्रिकेटर सचिन तेन्दुल्कर नेपाल आएका छन् । संयुक्त राष्ट्र संघ अन्तर्गत अन्तर्राष्ट्रिय बालबालिका आपतकालीन कोष (युनिसेफ)का सद्भावना दूत सचिन नेपाल आउने वातावरण पनि सोही संस्थाले बनाएको हो ।

उनी नेपाल एयरलाइन्सको नियमित उडानबाट शुक्रबार काठमाडौं अवतरण गरे । नेपाल आउँदा आफू खुसी भएको प्रतिक्रिया उनले विमानस्थलमा दिए ।

सचिन र नेपालका पूर्वक्रिकेटर विनोद दासबीच शनिबार कीर्तिपुर क्रिकेट रंगशालामा मैत्रीपूर्ण क्रिकेट हुँदैछ । उनीहरुले नेतृत्व गर्ने टीममा बालबालिकाले क्रिकेट खेल्नेछन् ।

संयुक्त राष्ट्र संघको बाल अधिकारसम्बन्धी महासन्धी पारित भएको ३० वर्ष पुगेको उपलध्यमा उनी बाल अधिकारका सम्बन्धमा जनचेतना अभिवृद्धि गर्ने उद्देश्यले नेपाल आएका हुन् ।

सचिन शनिबार राती नै भारत फर्कने कार्यक्रम रहेको छ । भारतका यी सफल क्रिकेटरको नाममा १ सय शतकको कीतिमान रहेको छ । २ दशकभन्दा लामो क्रिकेट करियरमा उनले विश्वमै दूर्लभ कैयौं रेकर्ड कायम गरेका छन् ।