14-Dec-2019 | २८ मंसिर २०७६, शनिबार

जब क्रिकेटका भगवान त्रिवि मैदानमा उत्रिए…

३० कार्तिक २०७६, शनिबार ०   बिचार / प्रतिक्रिया


काठमाडौं

सचिन तेन्दुल्करका साथमा क्रिकेट खेल्न पाउनु, सायद यो नेपाली खेलाडीका लागि असम्भव विषय हो ।

खेलाडीकै लागि त असम्भव कुरा अन्य आम सर्वसाधारणका लागि त निकै परको कुरा । तर, सचिन नेपाल आए, नेपाली क्रिकेटको मक्का मानिने त्रिभुवन विश्वविद्यालयको मैदानमा छिरे र १० ओभर क्रिकेट खेले । मात्र क्रिकेट खेलेनन्, उनको टोलीले उपाधी पनि जित्यो । धेरै नेपालीका लागि सपना जस्तै लाग्ने यो सम्भव गराइदिएको छ, यूनिसेफले ।

सचिनलाई क्रिकेट दूनियामा भगवान मानिन्छ । किनकी उनले विश्व क्रिकेटलाई सवथोक दिएका छन् । उनी करोडौं क्रिकेटप्रेमीका लागि आदर्श हुन् ।

बालअधिकारसम्बन्धी महासन्धी पारित भएको ३० वर्ष पुगेको उपलक्ष्यमा युनिसेफ नेपालले तेन्दुलकरलाई नेपाल ल्याउने चाँजोपाँजो मिलाएको हो । जब उनी कीर्तिपुर मैदान छिरे, त्यहा उपस्थित दर्शकले सचिन… सचिन… को नारा लगाएका थिए ।

सचिनले त्रिवि मैदानमा बालबालिकासँग क्रिकेट खेले । १० ओभर निर्धारण भएको खेलको अर्को टोलीको कप्तानी नेपाली पूर्वक्रिकेटर विनोद दासले गरेका थिए ।

पहिले ब्याटिङ गरेको दास नेतृत्वको टिमले १० ओभरमा ४४ रन जोडेको थियो । जवाफी व्याटिङमा उत्रदा सचिन ओपनिङ मै मैदान छिरेका थिए । उनी छिर्दा अन्तर्राष्ट्रिय खेलकै झल्को आएको थियो ।

तीन ओभरसम्म खेल्दा ७ जोडेका उनी त्यसपछि अन्य बालबालिकालाई खेलको मौका दिन मैदान बाहिर निस्किए । उनलाई दर्शकले भरपुर माया दिएका थिए । खेल सचिनको टिमले ९ विकेटले जितेको थियो । सचिनले टोलीका बालबालिकालाई ब्याट, बल र फिल्ड सबैमा कसरी राम्रो गर्ने भनेर सिकाएका थिए ।

खेलपछि आयोजित कार्यक्रममा बोल्दै उनले नेपालले क्रिकेटमा निकै राम्रो प्रगति गरेको भन्दै खुसी व्यक्त गरे । उनी शुक्रबार नेपाल आएका हुन् ।

Loading...

फेसबुकबाट तपाईको प्रतिक्रिया

सम्बन्धित समाचार