रोचक खवर

विश्वकप फूटबल खेल्ने खेलाडी रातभर ठमेलको डान्सबारमा, टीमबाट हटाइए

काठमाडौं । आगामी ३ मंसिरमा कुवेतसँग विश्वकप छनोटको महत्वपूर्ण खेल, नेपालका लागि त्यो खेल यति महत्वपूर्ण छ की, आगामी यात्रा सहज बनाउन नेपालले खेल जित्नै पर्छ ।

यसका लागि खेलाडीमा उच्च अनुशासन र देशका लागि ज्यानै दिन तयार हुनुपर्ने अवस्था छ । तर, शनिबारको फ्लाइटमा रहेका खेडाली शुक्रबार राती अबेरसम्म ठमेलको डान्सबारमा भेटिए ।

जब त्यो सप्रमाण फेला पर्यो, अखिल नेपाल फुटबल संघ (एन्फा)ले तत्काल एक्सन लियो र नेपाली राष्ट्रिय फूटबल टोलीका चार चर्चित खेलाडीलाई निलम्बन गर्यो ।

यसरी निलम्बनमा पर्नेमा विमल घर्तीमगर, अञ्जन विष्ट, दिनेश राजवंशी र सन्तोष तामाङ रहेका छन । उनीहरु अहिले राष्ट्रिय फुटबल टिमबाट निलम्बनमा परेका छन् ।

उनीहरुले फूटबलको अनुशासनलाईै गम्भीर उल्लंघन गरेका छन् । ठमेलको नाइट क्लबमा गएर मदिराले लठ्ठ भएको अवस्थामा उनीहरुलाई फेला पारिएको हो ।

यी चार जना खेलाडी नेपाली टोलीका पहिलो रोजाईका खेलाडी हुन् । तर, अनुशासनहिन खेलाडीको स्थानमा अब नयाँ खेलाडीले स्थान पाउने भएका छन् ।

नेपाली फूटबल पटक पटक खेलाडीकै कारण बदनाम भइरहेको छ । विगतमा त्यसमा आँखा चिम्लने गरिन्थ्यो । अहिले भने कारवाही शुरु भएको छ । आगामी दिनमा यसमा अझ सुधार हुने अपेक्षा छ ।