रोचक खवर

सार्वजनिक यातायातका फोहोर सीट फेर्न अल्टिमेटम

काठमाडौं । महानगरीय ट्राफिक महाशाखा, काठमाडौंले सार्वजनिक यातायातको व्यवस्थापनमा नयाँपनः ल्याउने गरी योजनाहरु सार्वजनिक गरेको छ ।

त्यसअन्तर्गत फोहोर सिट हटाउन व्यवसायीलाई अल्टिमेटम दिएर सुधार थाल्ने तयारी महाशाखाले गरेको छ ।

सार्वजनिक बस, ट्याक्सीलगायतमा रहेका सीट घिनलाग्दो भएको र गाडीहरु अत्यन्तै फोहोर रहेको जनगुनासो आइरहेको छ । जनगुनासोपछि महाशाखाले व्यवसायीसँग छलफल गरी सीट फेर्न अल्टिमेटम दिने तयारी प्रहरीले गरेको छ ।

सीटको व्यवस्थापन अस्तव्यस्त रहेको, मर्मत नभएका सीटले कपडा च्यात्नेदेखि दूर्घटना हुनेसम्मको गुनासो मानिसहरुले प्रहरीलाई टिपाउने गरेका छन् ।

यसका साथै अब मोटरसाइकलहरुले लुकिंग ग्लास परिवर्तनगर्न नपाउने भएका छन् । काठमाडौंमा सवारी दूर्घटनामा धेरै मानिसले अकालमा ज्यान गुमाउने गरेका छन् ।

त्यसमा पनि लुकिंग ग्लास मोडिफाई गर्ने प्रवृत्ति बढेपछि प्रहरीले कारवाही अगाडी बढाएको हो ।

शनिबार मात्रै ३४५ मोटरसाइकल चालक ऐना परिवर्तन गरेको कसुरमा कारवाहीको भागिदार बनिसकेका छन् । पछिल्लो समय काठमाडौं उपत्यकामा सरकारले ट्राफिक कारवाही कडा बनाएको छ ।