काठमाडौं । सरकारले वर्षभर सबैभन्दा बढी कर तिर्ने १५ करदातालाई सम्मान गरेको छ । आइतबार राजधानीमा आयोजित कार्यक्रममा अर्थमन्त्री डा. युवराज खतिवडाले उनीहरुलाई सम्मान गरेका हुन् ।

१ मंसिरमा हरेक वर्ष कर दिवसको अवसर पारी बढी कर तिर्ने करदातालाई सम्मान गर्ने प्रचलन रहेको छ । आन्तरिक राजस्व विभागले उत्कृष्ट १५ करदातालाई सम्मान गर्ने गर्छ ।

बहुराष्ट्रिय कम्पनी सूर्य नेपाल प्रा लि सबैभन्दा बढी कर तिर्ने करदाताका रुपमा सम्मानित भयो । व्यक्तिगत आयकरतर्फ सबैभन्दा बढी कर तिर्ने करदाता लगातार चौथोपटक सिद्धार्थशमशेर जबरा घोषित भए ।

डाबर नेपाल, जगदम्बा स्टिल, अन्नपूर्ण एग्रो छिमेकी लघुवित्त बैंक, राष्ट्रिय वाणिज्य बैंक, नेपाल लाइफ इन्स्योरेन्स, मणिपाल मेडिकल कलेज, वल्ड लिङ्क र अग्नि इन्कर्पोरेटले आ–आफ्नो विधामा बढी कर तिर्नेको सूचीमा परेर सम्मानीत भए ।

तारागाउँ रिजेन्सी (हायत) होटल र मध्यमस्तरीय करदाताको तर्फबाट कामना सेवा विकास बैंक, आन्तरिक राजस्वको कार्यालयको कार्यक्षेत्रमा रही धेरै आयकर तिर्नेमा भिएस सर्भिसेस मोरिसस प्रालि सम्मानित भए ।

समयमै कर बुझाउने तथा सबैभन्दा बढी मूल्य अभिवृद्धि कर तिर्ने कम्पनी घोराही सिमेन्ट बन्यो ।