काठमाडौं । पोर्चुगलका स्टार फूटबलर क्रिस्टियानो रोनाल्डो देशका लागि १ सय औं गोलको कीर्तिमान नजिक पुगेका छन् । आइतबार राती भएको खेलमा उनले पोर्चुगलका लागि ९९ औं गोल पूरा गरे ।
यस वर्षमात्र उनले देशका लागि १४ गोल गरेका छन्। आइतबार पोर्चुगलले लक्जेम्बर्गलाई २–० गोल अन्तरले हरायो । यससँगै पोर्चुगल युरोकपमा छनोट समेत भएको छ ।
यसै खेलमा रोनाल्डोले ९९ औं गोल गरेका हुन् । पोर्चुगलसहित इंग्ल्यान्ड पनि युरोकपमा छनोट हुन सफल भयो । आइतबार राति नै समूह ‘ए’को खेलमा इंग्ल्यान्डले कोसोभोलाई ४–० गालेले हराएको हो ।
