काठमाडौं । अन्तराष्ट्रिय उडानका जहाज चढ्न र ओर्लन प्रयोगमा आउने र्याम्प अब आन्तरिक विमानस्थलमा समेत जडान गरिएको छ । पहिलो पटक बुद्ध एयरले भैरहवाबाट यसको प्रयोग थालेको छ ।
यसअघि जहाजमै जडित सानो भर्यांगबाट यात्रु चढ्नु र ओर्लुनु परेको छ । त्यसको साटो र्याम्प प्रयोगमा ल्याइएको कम्पनीले जनाएको छ ।
भैरहवाबाट शुरु भएको यो सुविधा क्रमशः सबै आन्तरिक उडानमा बिस्तार गर्ने कम्पनीको योजना रहेको छ । यसले वृद्ध उमेरका यात्रु र अशक्त यात्रुलाई निकै सहज हुने भएको छ ।
