फिचर

माथिल्लो त्रिशूली थ्री ‘ए’ आजबाट औपचारिक संचालन

काठमाडौं । प्रधानमन्त्री केपी शर्मा ओलीले प्रधानमन्त्री कार्यालयस्थित एक्सन रुमबाट पहिलो पटक आयोजनाको उद्घाटन गर्दैछन् ।

माथिल्लो त्रिशूली थ्री ‘ए’ आयोजनाको पहिलो पटक एक्सन रुमबाट उद्घाटन गर्न लागिएको हो । नेपाल विद्युत प्राधिकरण आफैले निर्माण गरेको सो आयोजना एक दशकको प्रयासमा निर्माण सम्पन्न भएको हो ।

अघिल्लो चैत महिनाबाट नियमित उत्पादन थालेको ६० मेगावाट क्षमताको यो जलविद्युत आयोजनाको औपचारिक शुरुवात भने सोमबार देखि हुने भएको हो ।

ऊर्जा, जलस्रोत तथा सिँचाइमन्त्री वर्षमान पुन भने आयोजनास्थल नुवाकोटको किस्पाङ गाउँपालिका–५ सिम्लेमा उपस्थित हुँदैछन् ।

प्राधिकरणले यस आयोजनालाई फसेका आयोजना अन्तर्गत राखेको थियो । तर, पछिल्लो पटक नेपाल विद्युत् प्राधिकरणका कार्यकारी निर्देशक कुलमान घिसिङकै जोडबलमा यो आयोजनाले गति लिएको हो यो आयोजनाको अनुमानित लागत रु १२ अर्ब ६० करोड ९१२ करोड ५८ लाख रहेको छ ।

प्राधिकरणले चिनियाँ आयात निर्यात बैंकको सहुलितपूर्ण ऋणमा यो आयोजना निर्माण गरेको हो । चिनियाँ कम्पनी गेजुवासँग २०६७ साल जेठ १४ गते ठेक्का सम्झौता भएको थियो ।

यो आयोजनाले नौ महिना पूर्ण क्षमतामा विद्युत् उत्पादन गर्नेछ भने हिँउदका तीन महिना ४५ मेगावाट मात्र विद्युत् उत्पादन हुनेछ ।