समाचार

रास्ट्रपति ट्रम्पको भ्रमण बिरुद्ध लन्डन सहर ठप्प हुदै

तस्बिर : डेली मेल

अमेरिकी रास्ट्रपति डोनाल्ड ट्रम्पको आगामी हप्ता हुदै गरेको लन्डन भ्रमणको क्रममा हजारौ अधिकारकर्मीहरु मिलेर लन्डन सहर ठप्प पार्दै प्रदर्शन गर्ने भएका छन् । उक्त प्रदर्शनलाई निस्तेज पार्ने गरि यता राज्यले १८ मिलियन पाउण्ड खर्चेर सहरका २० ठाँउ बिस हजार प्रहरी खटाउने निर्णय गरेको छ । मुख्य प्रदर्शन भने आगामी मंगलबार लन्डन सहरको ट्राफ़ल्गर स्क्वायर देखि पार्लियामेन्ट स्क्वायर सम्म झन्डै ८ लाख मानिसले प्रदर्शन गर्ने आयोजकले दाबि गरेका छन् । रास्ट्रपति ट्रम्पले बेलायति प्रधानमन्त्रि थेरेसा मे संग खाना खाने स्थान डनिङ्ग स्ट्रिट भन्दा केहि गज पर प्रदर्शन गर्ने कार्यक्रम रहेको छ ।
स्ट्याण्ड अप टु ट्रम्प र स्टप ट्रम्प नामक दुई वटा संस्थाहरुले प्रदर्शनको तयारि गरि रहेका अन्य संस्थाहरुसंग समन्वय गरि रहेका छन् । उनीहरुले बेलायत भरिका विभिन्न सहरबाट प्रदर्शनकारी ट्रम्प बिरुद्ध प्रदर्शनका लागि लन्डन सहरमा ल्याउन लागेको बताउदै भनेका छन् ” हामीले प्रदर्शनकारी बेलायति भरिबाट लन्डन सहर ठप्प हुने गरि ल्याउदै छौ । ” ट्रम्प प्रति लक्षित गर्दै स्ट्याण्ड अप टु ट्रम्पका एक सदश्य भन्छन् ” लन्डन छोड्दा सम्म उनले र यो विश्वले थाहा पाउने छ कि मानिसहरुले उनलाई र उनको विषाक्त राजनीतिलाई कति बहिस्कार गर्दा रहेछन् ” । प्रदर्शनका क्रममा रास्ट्रपति ट्रम्पकै स्वरुपको रिसाईरहेको बालकको २० फिट अग्लो बेलुन र सुनको सौचालयमा बसिरहेका १६ फिट अग्लो ट्रम्पको स्वरुपको बोल्ने रबर्ट समेत प्रदर्शनमा देखाईने संचार एजेन्सीहरुले जनाएका छन् । सोमबार बकिन्हम दरबारमा आयोजित रोयल ब्याङ्केटको क्रममा समेत प्रदर्शनकारीहरुले ट्रम्प बिरुद्ध बकिन्हम दरबार अगाडी प्रदर्शन गर्ने कार्यक्रम रहेको छ । राट्रपति ट्रम्पको राजकीय भ्रमणको लण्डनका मेयर सदिक खानले समेत बिरोध गर्दै आएका छन् । खानले ट्रम्पको दर्जा रास्ट्रपति ओबामा र जर्ज बुश जस्तो हुन सक्दैन भन्दै उनले राजकीय सम्मानका साथ हुनलागेको ट्रम्पको लन्डन भ्रमणको बिरोध गरेका छन् ।
रास्ट्रपति ट्रम्प आगामी ३ तारिक सोमबार लन्डन भ्रमणमा जाने कार्यक्रम छ ।
एजेन्सी