काठमाडौं ।आतंकवादको जोखिम, घरेलु तथा अन्तर्राष्ट्रिय युद्ध र सामाजिक सुरक्षाका दृष्टिकोणबाट अमेरिकाको तुलनामा नेपाल शान्त पाइएको छ ।

ग्लोबल पीस इन्डेसक्ले देखाएअनुसार १ सय ६३ मुलुकमध्ये नेपाल ७६ औं स्थानमा रहेको छ । जहाँ नेपालभन्दा पछाडी भारत, चीन, अमेरिकाजस्ता अतिविकसित मुलुक पर्छ ।

यी मुलुकमा भौतिक विकासले चरम रुप लिएपनि शान्तीपूर्ण रुपमा बाच्न पाउने वातावरण भने क्रमशः हरण हुँदै गएको पाइएको छ । खासगरी मास सुटिंगका माध्यमबाट एकै पटकमा धेरै मानिसहरुलाई मार्ने गरी यहाँ आतकंवादी गतिविधि हुने गरेका छन् ।

अघिल्लो वर्षको तुलनामा नेपालले १२ स्थान सुधार समेत गरेको छ । ‘इन्स्टिच्युट फर इकोनोमिक्स एण्ड पीस’ (आईईपी) ले हरेक वर्ष यस्तो प्रतिवेदन सार्वजनिक गर्ने गर्छ ।

यो १३ औँ ग्लोबल पीस इन्डेक्स रिपोर्ट हो घरेलु र अन्तर्राष्ट्रिय युद्द, समाजिक सुरक्षा, आतङ्कवाद् , सैनिकीकरणलगायत करीव २३ सूचकांकमा देशको मूल्याङ्कन गरि प्रतिवेदन सार्वजनिक गरिन्छ ।

विश्वमा सबैभन्दा शान्त मुलुक आइसल्यान्ड हो भने सबैभन्दा अशान्त अफगानिस्तान देखिएको छ । शान्तमुलुकमा न्यूजील्यान्ड, पोर्चुगल, अष्ट्रिया, डेनमार्क, क्यानडा, सिंगापूर, स्लोभेनिया, जापान र चेक रिपब्लिक शीर्ष १० स्थानमा छन् ।

एसियाली मुलुकमध्ये भूटान १५ औं स्थानमा छ । दक्षिण एसियामा भूटान र श्रीलंका पछि नेपाल तेस्रो शान्तिपूर्ण देश बनेको छ । भारत १४१ औं स्थानमा छ । जुन अशान्त मुलुक हो । पाकिस्तान १५३ औं स्थानमा छ ।

चीन ११० औँ स्थानमा रहेको छ । अमेरिका १२८ स्थानमा रहँदै एक अशान्त मुलुकका रुपमा परिचय बनाएको छ । नेपालमा गृहयद्ध अन्त्य भई शान्तीपूर्ण राजनीति शुरु भएको एक दशक नाघिसकेको छ । अहिले विकास र निर्माणका लागि यहाँ वहस प्रारम्भ भएको छ ।