काठमाडौं । धावनमार्गको नियमित मर्मत गर्न १० दिनका लागि बन्द भएको झापाको भद्रपुरस्थित विमानस्थल पुनः संचालनमा आएको छ ।

मंसिर २६ गतेबाट बन्द भएको यो विमानस्थलबाट शुक्रबारदेखि नियमित उडान शुरु भएको नेपाल नागरिक उड्डयन प्राधिरकरणले उल्लेख गरेको छ ।

विमानस्थल बन्द भएपछि यहाँ बाट भइरहेका सबै उडान विराटनगरबाट हुने व्यवस्था मिलाइएको थियो । जसले गर्दा पूर्वी नेपालमा जाने यात्रुलाई समस्या भएको थियो ।

अब भने नियमित उडानले सहज हुने भएको हो । नेपालबाट भारतीय छिमेकी जिल्लामा जाने धेरै यात्रुले भद्रपुर विमानस्थल प्रयोग गर्छन् ।

यहाँ दैनिक ९ वटा उडान हुने गरेको नेपाल नागरिक उड्डयन प्राधिकरणको भनाई छ । यो नेपालको व्यस्त विमानस्थलमध्ये एक हो ।