समाचार

बानेश्वरमा डाक्टरलाई ठक्कर दिने बस रामेछापमा, चालकलाई मुद्दा

काठमाडौं । काठमाडौँको बानेश्वरमा गत आइतबार डा प्रभु जोशीलाई ठक्कर दिएर भागेको बस र चालकलाई प्रहरीले रामेछापबाट पक्राउ गरेको छ । डा. जोशीको घटनास्थलमै मृत्यु भएको थियो ।

आइतबार बिहान पैदल हिडेका चिकित्सकलाई ठक्कर दिएर बस भागेको थियो । उक्त बसका चालक बुद्धकुमार कोँजु रहेको र उनलाई सवारी ऐनअन्तर्गत मुद्दा चलाइएको प्रहरीले जनाएको छ ।

बा ३ ख ६१४ नम्बरको बसले चिकित्सकलाई ठक्कर दिएको प्रहरीको निष्कर्ष रहेको छ । प्रहरीले सीसीटीभि फुटेका आधारमा बसको पहिचान गरेको हो । परिवारको उजुरी पछि प्रहरीले बस चालकविरुद्ध मुद्दा चलाएको हो ।