काठमाडौं । शनिबार हुने उपनिर्वाचनको प्रयोजनका लागि बुधबार रातीबाट मौन अवधि प्रारम्भ हुने भएको छ । निर्वाचन आयोगका अनुसार बुधबार रातिबाट मौन अवधि सुरु हुने भएको हो ।

कास्की–२ मा प्रतिनिधिसभा, तीन वटा प्रदेशसभा र स्थानीय तहका गरी ५२ पदमा १४ मंसिरमा उपनिर्वाचन हुनेछ । आज प्रचार प्रसार गर्न पाउने अन्तिम दिन बुधबार दलहरुले आफ्नो अनुकूलता हेरि विभिन्न स्थानमा चुनावी सभाको आयोजना गरेका छन् ।

नेकपाले भक्तपुरमा बुधबार चुनावी सभा राखेको छ । जहाँ अध्यक्ष पुष्पकमल दाहाल र नेता सुवास नेम्वाङले सम्बोधन गर्दैछन् ।

काग्रेसले समेत बुधबार नै भक्तपुरमा चुनावी सभा राखेको छ जहा सम्बोधन गर्न सभापति शेरबहादुर देउवा पुग्ने भएका छन् ।

भक्तपुरमा राप्रपाको समेत चुनावी सभा हुने र त्यसलाई अध्यक्ष पशुपतिशमशेर राणाले सम्बोधन गर्ने कार्यक्रम तय भएको छ ।

यस निर्वाचनलाई राजनीतिक दलहरुले प्रतिस्ठाको लडाईका रुपमा हेरेका छन् ।

वर्तमान सरकारको लोकप्रियता कम भएका कारण जनमत कांग्रेसको पक्षमा आउने अपेक्षा कांग्रसको छ । तर, नेकपा भने अहिले पनि जनमत नेकपाकै पक्षमा रहेकोमा विश्वस्त रहेको छ ।