समाचार

अर्घाखाँचीमा बस दूर्घटना, १७ को मृत्यु

बुटवल । अर्घाखाँचीको सदरमुकाम सन्धिखर्कबाट बुटवलका लागि छूटेको यात्रुबाहक बस सन्धिखर्क नगरपालिका–६ नरपानीमा दूर्घटना हुँदा १७ जनाको घटनास्थलमै निधन भएको छ ।

करीव १ दर्जन घाइते भएका छन् । बुधबार बेलुका भएको बस दुर्घटनामा सत्र जनाको घटनास्थलमै मृत्यु भएको प्रहरीले पुष्टी गरेको छ ।

लु २ ख २१४८ नम्बरको बस नरपानी बजार नजिकै घुम्तीबाट ४ सय मिटर तल खसेको छ । घटनास्थलमा उद्दार कार्य जारी रहेको छ ।

नेपाली सेना, नेपाल प्रहरी र सशस्त्र प्रहरी तथा स्थानीयवासी उद्धारमा खटिएका छन् मृत्यु हुनेमध्ये १० पुरुष र ७ महिला रहेका छन् । मृतकको भने सनाखत भइसकेको छैन । घाइतेको उपचारका लागि बुटवलतर्फ पठाइएको छ ।