खेलकुद

महिला भलिबलमा नेपाललाई भारतले हरायो

काठमाडौं । बंगलादेशलाई जित्दै सनसनीपूर्ण नतिजा निकालेको महिला भलिबलमा नेपाल बिहीबार भारतसँग भने सोझो सेटमा पराजित भएको छ । दक्षिण एसियाली खेलकुद (साग)अन्तर्गत बिहीबार भएको खेलमा नेपाललाई भारतले ३-० को सोझो सेटमा हरायो ।

भारत डिफेन्डिंग च्याम्पियनसमेत हो । सागमा भारतलाई उपाधी दावेदार मानिएको छ । बिहीबार भएको आफ्नो दोस्रो खेलमा खेलमा पहिलो सेटमा भने नेपालले उत्कृष्ट खेलेको थियो ।

तर, जीत भने भारतको भयो । दोस्रो र तेस्रो सेटमा भने नेपाल सजिलै हारेपछि नतिजा भारतको पोल्टामा पर्न सफल भयो । नेपालले पहिलो खेलमा भने बंगलादेशलाई ३-० ले पराजित गरेको थियो ।

दुई खेल खेलिसक्दा नेपालको ३ अंक मात्र छ । भारतको एक खेलबाट ३ अंका भएको छ । बंगलादेशको एक खेलबाट शुन्य अंक छ ।

अब समूह चरणको अन्तिम खेलमा भारतले बंगलादेशलाई हराएमा नेपाल उपविजेताका रुपमा नेपाल सेमिफाइनलमा पुग्ने सम्भावना जिवितै रहेको छ ।