05-Dec-2019 | १९ मंसिर २०७६, बिहीबार

एनआरएनएबाट ८३ वटा मुलुकमा भ्रमण वर्ष लक्षित कार्यक्रमको तयारी

१२ मंसिर २०७६, बिहीबार ०   बिचार / प्रतिक्रिया


काठमाडौं । गैरआवासीय नेपाली संघ (एनआरएनए)को संजाल बिस्तार भएका विश्वका ८३ औं मुलुकमा नेपाल भ्रमण वर्षलाई लक्षित गर्दै कार र्याली आयोजना हुने भएको छ । संघका अध्यक्ष कुमार पन्तले उक्त जानकारी दिएका हुन् ।

उनका अनुसार ८३ वटै मुलुकमा साइकल र्याली, कार र्याली, विभिन्न प्रवद्धनात्मक तथा सांस्कृतिक कार्यक्रम आयोजना गरी भ्रमण वर्षको प्रचार प्रसार गर्ने योजना रहेको छ ।

हरेक गैरआवासीय नेपालीले २०२० को होलिडे नेपालमा मनाउने गरी आह्वान समेत गर्ने तयारी संघले गरेको छ । यसबाट पनि नेपालको पर्यटक आगमनमा वृद्धि हुनुका साथै प्रवद्र्धनमा समेत सहयोग पुग्ने भएको छ ।

विदेशमा हुने प्रवद्र्धनात्मक कार्यक्रममा संंघले दूतावाससँग समन्वय गर्ने भएको छ । काठमाडौंमा विज्ञ सम्मेलन गरी नेपालमा लगानीका सम्बन्धमा छलफल चलाउने र विभिन्न मुलुकमा नेपाल चिनाउने सूचना केन्द्रहरु समेत स्थापना गरिने भएको छ ।

जानकारी मन्दिरलाई आकर्षक रुपमा सजाउने तयारी समेत संघले गरेको छ । विश्वका ठूला शहरमा गुड्ने बसमा समेत नेपाल भ्रमण वर्षको लोगो राखेर प्रवद्र्धन गर्ने योजना संघले बनाएको अध्यक्ष पन्तले जानकारी दिए ।

Loading...

फेसबुकबाट तपाईको प्रतिक्रिया

सम्बन्धित समाचार